Þriðjudagur 28. júní 2022

- Bæjarfjölmiðillinn í Vestmanneyjum -

Ýmsar breytingar á reglum um skoðun ökutækja taka gildi um áramót

Um áramótin taka gildi ýmsar nýjar reglur um skoðun ökutækja í samræmi við reglugerð  um skoðun ökutækja (nr. 414/2021) sem tók gildi 1. maí sl. Reglugerðinni er ætlað stuðla að auknu umferðaröryggi. Ákveðin atriði reglugerðarinnar koma þó ekki til framkvæmda fyrr en 1. janúar 2022.

Ýmis nýmæli og breytingar koma fram með reglugerðinni. Sum atriði eiga erindi við alla eigendur og umráðamenn ökutækja en jafnframt eru önnur sem snúa að tilteknum gerðum ökutækja. Með reglugerðinni eru kröfur og heimildir uppfærðar samkvæmt tilskipun Evrópusambandsins.

Dæmi um breytingar:

  • Sumarökutæki þarf framvegis að skoða í upphafi sumars. Bifhjól, fornbílar, húsbílar, hjólhýsi, tjaldvagnar og fellihýsi fá nú öll skoðunarmánuðinn 5 í stað 8 áður. Það þýðir að skoðun þarf að vera lokið fyrir lok júlí í stað þess að áður þurfti skoðun að ljúka fyrir lok október.
  • Fyrsta aðalskoðun bílaleigubíla og bifreiða sem notaðar eru í ökukennslu skal nú fara fram eftir þrjú ár í stað fjögurra ára áður. Skoðunartíðni þessara ökutækja verður framvegis 3-2-2-1 ár (áður 4-2-2-1 ár).
  • Ökutæki sem skráð eru sem skólabifreiðar og þau sem eru skráð í notkunarflokkinn flutningur hreyfihamlaðra í atvinnuskyni skulu framvegis fara árlega í reglubundna skoðun. Skoðunartíðnin verður því 1-1-1-1 ár (áður 4-2-2-1 ár).
  • Dráttarvélar sem komast hraðar en 40 km/klst og eru (aðallega) notaðar á vegum verða framvegis skoðunarskyldar.
  • Ökutæki sem öllum stundum eru staðsett í Hrísey, Grímsey eða Flatey á Breiðafirði geta orðið undanþegin skoðunarskyldu – en þá þarf að skrá þau í notkunarflokkinn eyjaökutæki.
  • Vanrækslugjald hækkar í 20.000 kr. (úr 15.000 kr.) en vanrækslugjald en vegna vörubifreiða, hópbifreiða og eftirvagna er vanrækslugjald 40.000 kr.

Aðgengilega samantekt á helstu breytingum og nýmælum reglugerðarinnar má finna á sérstakri vefsíðu Samgöngustofu um reglugerðina.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is