Í Sjómannadagsblaði Tíguls fengum við nokkra sjómenn til þess að svara nokkrum spurningum um sjómennskuna. Hér er stutt yfirheyrsla af Óskari Birgi og Björgvini.
Óskar Birgir Sigurþórsson
Aldur: 53 ára
Hvenær byrjaðir þú á sjó og hvar:
Byrjaði á Gjafar ve. 1985 á innfjarða síld hún var veidd í nótt inn á Austfjörðum. Ég var sextán ára.
Hvað heillaði við sjómennskuna:
Var í raun ekki heillaður af henni hélt alltaf að eldri bróðir minn yrði sjómaður hann var að fara með pabba og afa á sjó. Svo fór vinur minn á Gjafar og ég elti hann. Þetta var erfitt ég var alltaf að berjast við sjóveiki en lét hana ekki sigra mig en það tók mig um tuttugu ár að sigra hana maður lærði að lifa með sjóveikinni. Í dag heillar sjómennskan mig það er gott að vera á sjó..
Eftirminnilegasti sjómaðurinn sem þú hefur róið með:
Gestur breyðfjörð skipstjóri er mér alltaf efstur í huga mikill sjómaður og góður félag réri með houm á frysti togara fra Hafnafirði svo má ekki gleyma Grim frá felli einn sá allra skemmtilegasti sem ég hef verið með á sjó.
Eftirminnilegasti túrinn:
Eftirminnilegast er þegar ég var á Klakk VE þegar við fylltu skipið nokkrum sinnum af búra og þegar við á Huginn byrjuðum fyrstir að fiska makríl hér við land.
Björgvin Þór Björgvinsson
Aldur: 49 ára gamall
Hvenær byrjaðir þú á sjó og hvar? Ísfélagi Vestmannaeyja
Hvað heillaði þig við sjómennskuna? Launin
Eftirminnilegasti sjóðmaðurinn sem þú hefur róið með? Magnús Örn Guðmundsson
Eftirminnilegasti túrinn? Fullfermi á frystitogaranum Snorra Sturlusyni, 980 tonn upp úr sjó á 3 vikum.
