Vestmannaeyjabær Guðmundur Gíslason

Viljayfirlýsing um úrlausn ágreinings vegna vatnsleiðslu undirrituð

Vestmannaeyjabær og HS Veitur hafa undirritað viljayfirlýsingu um úrlausn ágreinings sem verið hefur upp um um ýmis atriði er varða viðgerðir og endurnýjun á vatnslögn til Vestmannaeyjabæjar ásamt undirbúningi að mögulegri innlausn Vestmannaeyjabæjar á vatnsveitu í Vestmannaeyjum. Í yfirlýsingunni segir m.a. „Í ljósi þeirrar alvarlegu stöðu sem upp er komin varðandi vatnsveitu í Vestmannaeyjum hafa aðilar ákveðið að vinna sameiginlega að því að tryggja uppbyggingu nauðsynlegra innviða til að auka afhendingaröryggi vatns til framtíðar. Til að tryggja farsæla niðurstöðu ætla aðilar að leggja til hliðar ágreining um lagaleg atriði er lúta að núverandi framkvæmd og skyldum samkvæmt samningi um kaup vatnsveitunnar frá 2002 og um neðansjávarlögnina frá 2009. Í því felst að HS Veitur munu, auk reglulegs reksturs á Vatnsveitu Vestmannaeyja, áfram leitast við að tryggja rekstur á núverandi neðansjávarlögn (NSL-3) og vinna að öryggi hennar í samræmi við leið eitt í minnisblaði innviðaráðuneytisins dags. 14. febrúar 2024. Þá munu aðilar halda áfram að vinna að því að fá viðurkennda bótaskyldu útgerðar Hugins VE 55 og tryggingafélags þess vegna skemmda á neðansjávarlögn sem urðu þegar akkeri HuginsVE 55 fór í lögnina í innsiglingunni í Friðarhöfn. Þannig munu aðilar í sameiningu krefja útgerðina og tryggingafélag skipsins um skaðabætur sem nýttar verði til greiðslu kostnaðar við bráðaaðgerðir og viðgerða á núverandi lögn eða, eftir atvikum, til að leggja nýja vatnslögn.“

Samkvæmt viljayfirlýsingu skipar bæjarráð í tvo hópa. Á síðasta fundi bæjarráðs skipaði ráðið Brynjar Ólafsson framkvæmdarstjóra umhverfis- og framkvæmdarsviðs í undirbúningshóp um nýja vatnslögn fyrir hönd Vestmannaeyjabæjar. Einnig skipaði bæjarráð Garðar Jónsson sérfæðing og Drífu Gunnarsdóttir framkvæmdastjóra stjórnsýslu- og fjármálasviðs í vinnuhóp sem sinnir gagnaöflun vegna mögulegrar innlausnar á Vatnsveitu Vestmannaeyja. Vestmannaeyjabær hefur ekki tekið formlega afstöðu til innlausnar á vatnsveitunni enda ekki til fyrirliggjandi gögn sem hægt er að byggja ákvörðun á.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search