Vilja virkja öldurnar við Vestmannaeyjar

Fyrir bæjarráði lá erindi frá Haf Afli sem er nýstofnað orkufyrirtæki sem staðsett er í Vestmannaeyjum. Fyrirtækið hyggst setja upp og reka nýja tækni ölduvirkjana við Íslandsstrendur og er áhugi fyrir því að taka fyrstu skrefin í Vestmannaeyjum með forrannsóknum sem lúta að því að kanna hvort og hvar hagkvæmar staðsetningar gætu verið í kringum Eyjar til að setja upp ölduvirkjanir. Í erindinu til bæjarráðs óskar Haf Afl eftir því að Vestmannaeyjabær undirriti viljayfirlýsingu um jákvætt viðhorf og samstarf vegna verkefnisins. Ráðið felur bæjarstjóra að ræða við forsvarsmenn Haf Afls og ganga frá viljayfirlýsingu um samstarf í samræmi við umræðu á fundinum.

„Hingað til eru til afar takmarkaðar rannsóknir varðandi öldufar, strauma og botngerð þar sem mælingar hafa verið gerðar. Einnig liggja ekki fyrir hermanir eða rannsóknir varðandi möguleika á ölduframleiðslu. Sú tækni sem til þarf til að ákvarða möguleika á ölduvirkjunum við eyjarnar liggur ekki á lausu á Íslandi. En með samstarfssamningi Haf-Afls við tæknifyrirtækið Havkraft er aðgangur að
slíkri tækni tryggður.
Verði áform Haf-Afls um framleiðslu ölduorku á svæðinu ekki að veruleika er talið að forkönnun og rannsóknir geti leitt í ljós mikilvægar upplýsingar varðandi fýsileika og staðsetningarval ölduvirkjana við Vestmannaeyjar, sem ekki eru fyrir hendi sem stendur og bæjarfélagið gæti nýtt sér til framtíðar. Ef að áform Haf-Afls um framleiðslu raforku við Vestmannaeyjar ganga eftir, myndi það gjörbreyta
orkuöryggi og forsendum fyrir orkukræfa starfsemi við Eyjarnar,“ segir m.a. í erindi Haf Afls.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search