Miðvikudagur 5. október 2022

Vilja hvetja foreldra til fræða börnin sín um öryggi á netinu

Starfsmenn Félagsþjónustunnar og Barnaverndar Vestmannaeyja vilja hvetja alla foreldra til að setjast niður með börnunum sínum og ræða við þau um öryggi á netinu, sem og að fara yfir hvaða tölvuleiki og samfélagsmiðla barnið er að nota og hvort það sé leyfilegt þeirra aldri.

Vakin er athygli á því að allir leikir og samfélagsmiðlar hafa viss aldurstakmörk en ljóst er að mörg börn á grunnskólalaaldri eru að nýta samfélagsmiðla og spila tölvuleiki sem eru alls ekki við hæfi. Viljum við hvetja foreldra til að virða aldurstakmörk á leikjum og samfélagsmiðlum.

Foreldrar eru einnig hvattir til að fara yfir það með börnum sínum, við hverja þau eru að ræða í gegnum Playstation, Snapchat, Instagram, TikTok, Facebook og aðra samskiptamiðla/leiki. Fara yfir það hvað sé eðlilegt að ræða þar og hvað ekki, hvort aðilar séu á viðeigandi aldri sem börnin eru að ræða við í gegnum þessa miðla/leiki, hvort vinir þeirra á þessum miðlum séu á viðeigandi aldri, ræða myndsendingar til og frá börnum sem dæmi.

Þessu tengdu viljum við benda foreldrum á að nýta sér „Örnámskeið um forvarnir gegn ofbeldi á netinu“ á vegum Barnaheilla, í dag, föstudaginn 12. febrúar kl.12, hægt er að skrá sig hér: https://www.barnaheill.is/is/starfid-okkar/samstarfsverkefni/abendingalina/althjoda-netoryggisdagurinn?fbclid=IwAR17n74uSolOPgmpWGQxoXzOzugamdb3WN7510gXf1_tY0-qxkeHBBM09EU

Ýmsan fróðleik varðandi börn, unglinga og tækni er að finna á https://saft.is/

Skjáviðmið fyrir börn og ungmenni er að finna hér: https://www.heimiliogskoli.is/skjavidmid-fyrir-born-og-ungmenni/

Að lokum er foreldrar hvattir til að ræða við börn sín um það hvert sé hægt að leita ef eitthvað óeðlilegt eða óþægilegt kemur upp í samskiptum hvort sem það er á netinu eða annars staðar.

Munum að lykillinn að því að aðstoða börn og aðra er að ræða málin og segja einhverjum fullorðnum frá sem getur aðstoðað, hvort sem það varðar netöryggi eða öryggi í raunheimum.

Ef eitthvað kemur upp í samtali við börnin sem foreldrar eða aðrir hafa áhyggjur af, passið upp á viðbrögðin ykkar því þau geta vegið mikið í því hvort barnið segi frá eða ekki, verið ekki reið við börnin, ræðið við þau opið í rólegheitum og leitið aðstoðar fagaðila.
Öllum er velkomið að hafa samband við starfsmenn Félagsþjónustunnar í Vestmannaeyjum, felags@vestmannaeyjar.is og Barnavernd barnavernd@vestmannaeyjar.is ef þörf er á, hvort sem það er til ráðgjafar, fá viðtalstíma, til að tilkynna eða annað.

Minnum einnig á neyðarnúmerið og barnanúmerið 1-1-2 og að hægt er að spjalla við neyðarvörð í netspjalli í gegnum https://www.112.is/ en í gær var einmitt 1-1-2 dagurinn (11.2).

Ef foreldar treysta sér ekki til þess að ræða um þetta við börnin en grunar eitthvað óæskilegt í samskiptum barns á netinu (eða annars staðar) er hægt að hafa samband við starfsmenn Barnaverndar og félagsþjónustu og fengið ráðgjöf og aðstoð með það.

Bestu kveðjur,
Starfsmenn Barnaverndar og félagsþjónustu Vestmannaeyjabæjar.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is