Í frétt frá Laxey fyrr í vikunni:
Þrjú ár frá fyrstu skóflustungu í Viðlagafjöru, Vestmannaeyjum
Þann 17. febrúar 2023 tók Sigurjón Óskarsson, einn af kjölfjárfestum í Laxey, fyrstu skóflustunguna fyrir áframeldið í Viðlagafjöru. „Ég mokaði ekki miklu sjálfur, en það hefur verið mokað heilmikið síðan þá og það er í raun ótrúlegt hvað er búið að gerast .“ Frá þeim degi hafa framkvæmdir þróast hratt, markvisst og í samræmi við upprunalega tímaáætlun.
Nú er fyrsti áfangi kominn í fullan rekstur og er uppbygging á öðrum áfanga vel á veg komin. Öll átta kerin í áfanga 2 hafa verið reist og tæknileg uppsetning stendur yfir. Gert er ráð fyrir að fyrstu kerin fari í notkun í haust og að öll kerin verði komin í rekstur fyrir lok árs.
Uppbygging á stórseiðahúsi félagsins gengur vel og mun hefja starfsemi fljótlega í öðrum ársfjórðungi. Með því eykst framleiðslugeta félagsins samhliða því sem rekstrarsveigjanleiki og áframhaldandi uppbygging styrkjast.
Nú þegar hafa fjórir seiðahópar verið fluttir frá seiðastöð fyrirtækisins í áframeldið og í þessari viku fer fram flutningur á þeim fimmta. Frá nóvember 2025 hafa jafnframt farið fram vikulegar slátranir á um 5 kg laxi sem hafa gengið mjög vel með, gæði góð og ánægðir viðskiptavinir.
Á meðfylgjandi mynd heldur Sigurjón Óskarsson á sömu skóflu og notuð var við fyrstu skóflustunguna 17. febrúar 2023. Laxey stefnir á 5000 þús tonna framleiðslu í ár.
Fyrir neðan er svo myndband frá Halldóri B.
