Fimmtudagur 18. ágúst 2022

- Bæjarfjölmiðillinn í Vestmanneyjum -

Víðir Þorvarðarson ráðinn í starf sérfræðings á launadeild Vestmannaeyjabæjar

Staða sérfræðings á launadeild Vestmannaeyjabæjar var auglýst laus til umsóknar á dögunum

Alls sóttu 6 einstaklingar um starfið, 3 konur og 3 karlar. Einn umsækjandi dró umsókn sína til baka.

Við mat á umsóknum var fyrst og fremst horft til menntunar- og hæfniskrafna sem fram komu í auglýsingunni, en jafnframt metnir aðrir þættir sem nýst gætu í starfi sérfræðings, svo sem sérstök reynsla eða þekking. Stuðst var við fyrirfram útbúið skema við mat á umsóknum til þess að veita einkunnir fyrir misjafna menntunar- og hæfnisþætti, m.a. menntun, starfsreynslu, reynslu af launavinnslu og notkun launakerfa, þekkingar á kjarasamningum og aðra þætti sem gætu nýst við starfið og fyrir vinnustaðinn.

Eftir mat á umsóknum var ákveðið að ráða Víði Þorvarðarson í starf sérfræðings á launadeild. Víðir er er 29 ára að aldri og er uppalinn og búsettur í Vestmannaeyjum. Víðir útskrifaðist með B.Sc. gráðu í viðskiptafræði frá Háskóla Íslands árið 2018 og meistaragráðu í fjármálahagfræði frá sama skóla árið 2020.  Hann hefur m.a. starfað sem launafulltrúi á launadeild Vestmannaeyjabæjar í afleysingum í rúmt ár og þannig öðlast góða þekkingu og reynslu af launavinnslu, launakerfum og öðrum upplýsingakerfum starfsmannamála sem og ákvæðum og framkvæmd kjarasamninga.

Það var mat Vestmannaeyjabæjar að af þeim umsóknum sem bárust um starfið falli þekking og reynsla Víðis best að þeim verkefnum og hæfnisþáttum sem tilgreindir voru í starfsauglýsingunni.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is