- Bæjarfjölmiðillinn í Vestmanneyjum -

Viðbygging Hamarskóla að færast yfir á hönnunarstig

Á fundi fjölskyldu- og fræðsluráðs í gær fór framkvæmdastjóri yfir stöðu á undirbúningi nýbyggingar við Hamarsskóla

Vinna við frumþarfagreiningu er á lokastigi og vinnan að færast yfir á hönnunarstig

Rætt hefur verið við arkitekt sem teiknaði viðbyggingu við skólann á sínum tíma um að koma að hönnun og teikningu að viðbyggingunni. Hann hefur áhuga á verkinu og mun svara endanlega á næstu vikum eftir að hafa kynnt sér gögnin. Stefnt er að bjóða framkvæmdir út í upphafi næsta árs ef ekkert óvænt kemur upp. Frekari tímalína mun liggja fyrir síðar.

Ráðið þakkar yfirferðina og hlakkar til að fylgjast áfram með þessu metnaðarfulla verkefni.

Bókun frá D-lista: Skortir alla pólitíska forystu og vilja til að ná árangri

„Fulltrúar Sjálfstæðisflokksins taka undir niðurstöðu fræðsluráðs en vilja koma á framfæri óánægju sinni hve mikið þetta mál hefur dregist og lítið hefur ágengt þessi tæp þrjú ár frá fulltrúar Sjálfstæðisflokksins lögðu þetta mál fram á fundi fræðsluráðs 18. Október 2018. Það er greinilegt að þetta mál skortir alla pólitíska forystu og vilja til að ná árangri.

Það er hægt að fela sig á bak við það að hér hafi verið heimsfaraldur og því ekki tími til að ganga í svona verkefni, en það hefur ekki stoppað framgang verkefna sem fulltrúar meiri hluta í bæjarstjórn hafa lagt fram, líkt og kaup og breytingar á Íslandsbankahúsinu, breytingar og lagfæringar á gamla Ráðhúsinu ásamt skipulag og framtíðarsýn með 3ju hæð Fiskiðjunnar.

Öll þessi mál hafa verið unnin á meðan hér ríkir heimsfaraldur. Það er því óskiljanlegt að stækkun Hamarsskóla sé látið sitja á hakanum, þegar auðveldlega hefði verið hægt að forgangsraða málinu öðruvísi. Fyrir undirrituðum lítur þetta þannig út að það var mikilvægara fyrir þá sem eru í meirihluta að gera upp gamla ráðhúsið en að bæta húsnæðiskost nemanda og kennara.“

Undir skrifa Ingólfur Jóhannesson og Ragnheiður Perla Hjaltadóttir

Bókun E- og H-lista: Taka ekki undir þá ómaklegu gagnrýni minnihluta sem beinist að starfsmönnum bæjarins

„Meirihluti E- og H-lista fagnar því að verkefnið sé komið vel af stað, þó það hefði auðvitað verið óskastaða að ferlið væri komið lengra.
Meirihluti E- og H-lista tekur þó ekki undir þá ómaklegu gagnrýni minnihluta sem beinist að starfsmönnum bæjarins. Þess í stað þökkum við fyrir þá vinnu sem þegar er búið að leggja í þetta metnaðarfulla stórverkefni.
Þess má einnig geta að þó ferlið hafi farið hægt af stað á þessu kjörtímabili, þá er ferlið komið af stað. Meira hefur gerst í verkefninu en þau tólf ár sem fyrrum meirihluti var við stjórnvölinn.
Það verður spennandi fyrir bæði okkur og bæjarbúa að fylgjast með áframhaldinu.“

Undir skrifa Arna Huld Sigurðardóttir, Aníta Jóhannsdóttir og Unnur Baldursdóttir.

Fulltrúar D- listans bóka á ný: Mikilvægt að nýbyggingin við Hamarskóla rísi sem fyrst til að bæta aðbúnað nemanda og starfsfólks

„Undirrituð vilja árétta, að það er ekki hlutverk Fræðsluráðs né okkar sem sitjum fyrir hönd Sjálfstæðisflokksins að svara fyrir ákvarðanir fyrri fulltrúa. Það er okkar hlutverk að vinna með stöðuna eins og hún er í dag og fyrir framtíðina. Því er erfitt að sjá hvaða tilgangi þessi bókun meirihlutans þjónar. Það hefur mikil vinna farið fram á þeim 12 árum sem Sjálfstæðisflokkurinn sat í meirihluta og varð margvísleg framþróun í skólamálum og aðbúnaði. Þar er fyrst og fremst að þakka öflugu starfsfólki sveitarfélagsins og menntastofnanna þess. Einnig er að þakka nýrri framtíðarsýn og stefnu yfirvalda.

Nýr leikskóli var vígður, fjölbreyttara rekstrarform leikskóla tekið upp, sameining Hamars- og Barnaskóla í GRV, nýsköpun í samþættingu skóla og íþróttastarfs með tilkomu íþróttaakademíu GRV og ákvörðun um uppbyggingu skólalóða sem bæjarbúar geta verið stoltir af. Börnum á grunnskólaaldri hefur fækkað mikið á undanförnum árum og er því kominn tími á að samnýta húsnæði. Því er mjög mikilvægt að nýbyggingin við Hamarskóla rísi sem fyrst til að bæta aðbúnað nemanda og starfsfólks, bæta aðstöðu Tónlistarskóla Vestmannaeyja og frístundavers og ná fram rekstrarhagræðingu.“

Ingólfur Jóhannesson og  Ragnheiður Perla Hjaltadóttir.

Share on facebook
Share on twitter
Share on linkedin
Share on pinterest

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:
  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is