Þriðjudagur 5. desember 2023

Vetrarvertíð byrjar með bullandi veiði og trukki

Á vef Vinnslustöðvarinnar er skemmtileg grein og myndir af lífinu í VSV:

„Fyrsti veiðidagurinn okkar var 10. janúar og við höfum fengið þetta sjö til níu tonn á dag en aflinn í gær var tuttugu tonn og verður enn meiri í dag. Það er með öðrum orðum bullandi veiði og mætti halda að kominn væri marsmánuður en ekki miður janúar!

Vetrarvertíðin byrjar af meiri krafti nú en ég hef upplifað áður og fiskurinn er bæði fallegur og góður til vinnslu. Það er því hreint ekki yfir neinu að kvarta og vel viðrar líka á okkur. Veðurlagið núna á ekkert sameiginlegt sem við kynntumst á sama tíma í fyrra,“ sagði Kristgeir Arnar Ólafsson, skipstjóri í brúnni á Kap II VE, á veiðum á Breiðafirði í dag (þriðjudag 19. janúar).

Það lá þannig ofurvel á kapteininum á Kap og hann brosti nánast hringinn. Það heyrðist einfaldlega á hljómfallinu í röddinni og þurfti engan myndsíma til að fá stemninguna um borð staðfesta.

„Já, víst er óhætt að segja að þessi vika hafi byrjað með trukki hjá okkur. Breki og Drangavík lönduðu fullfermi á sunnudaginn, Kap II landaði á Grundarfirði í gærkvöld og Brynjólfur landaði í dag og skiptir í framhaldinu yfir á net,“ segir Sverrir Haraldsson, sviðsstjóri botnfiskssviðs Vinnslustöðvarinnar.

„Vetrarvertíðin fer mjög vel af stað, einum mánuði fyrr en venjulega. Við erum á fullu við að fletja fisk til söltunar og pökkunar fyrir Portúgalsmarkað og fáum líka afla af Bárði SH eftir landanir á Grundarfirði. Sömuleiðis kaupum við hráefni til vinnslu á fiskmörkuðum.“

þrír stórsnillingar í brú Kap. Þeir eru frá vinstri: Sverrir Haraldsson, sviðsstjóri botnfiskssviðs Vinnslustöðvarinnar, Sigursteinn Pálsson vélstjóri og Kristgeir Arnar Ólafsson skipstjóri.

Kap II í Vestmannaeyjahöfn
úr fiskvinnslu VSV

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is