06.04.2020
Vestmannaeyjar eiga Íslandsmetið í Covid-19 skimunum. Nú þegar er búið að skima tæplega 2000 bæjarbúa fyrir Covid-19.
Íslensk erfðagreining er að leggja lokahönd á að rannsaka þau rúmlega 1500 sýni sem tekin voru fyrir helgi. Auk þeirra hefur starfsfólk HSU tekið á fimmta hundrað sýna hér í Eyjum.
26 af 1200 sýnum jákvæð
Hjörtur Kristjánsson umdæmislæknir sóttvarna á Suðurlandi segir í samtali við Eyjar.net að 26 af þeim 1200 sýnum sem búið sé að rannsaka af úr skimun ÍE hafi reynst jákvæð. Hann segir þessa skimun Íslenskrar erfðagreiningar gríðarlega mikilvæga.
Um eða undir 2%, samanborið við 1% á höfuðborgarsvæðinu
„Íslensk erfðagreining hefur boðið upp á skimanir í Reykjavík þar sem fólk getur pantað sér tíma eins og var hér í Eyjum og þar hefur tíðni jákvæðra sýna verið um 1%. Þeir sem tengjast öðrum tilfellum eða eru með einkenni eru líklegri til að panta sér tíma. Það sýndi sig m.a. þegar ÍE rannsakaði slembiúrtak, þ.e.a.s. þverskurði af íbúum var boðin sýnataka, en þá var hlutfallið 0,6%.
Við áttum von á að hlutfall smita hér væri svipað eða jafnvel hærra en raunin var á. Hluta af hópnum sem fór í sýnatökuna hér var sértaklega boðið vegna þess að viðkomandi voru í sóttkví eða nýútskrifaðir. Búast má við að hærra hlutfall greinist í slíkum áhættuhóp og svo virðist hafa verið þótt endanlegar niðurstöður liggi ekki fyrir.“ segir Hjörtur. „Í hinum hluta hópsins, þ.e.a.s. þeim sem gátu pantað sér tíma, virðist tíðni jákvæðra sýna ætla að verða um eða undir 2%, samanborið við 1% á höfuðborgarsvæðinu.“
Telur að tekist hafi að hemja vel hraðann á útbreiðslu smits í Eyjum
Lesa má allt viðtalið vð Hjört inn á eyjar.net virkilega flott viðtal.
