25.05.2020
Þjónustumiðstöð við Suðurlandsveg
Á bæjarráðsfundi í dag var rædd hugmynd og tillögur um þjónustumiðstöð á gatnamótun Suðurlandsvegar og Landeyjahafnarvegar, svokallað Laufeyjarverkefni.
Bæjarráð ræddi hugmyndir og tillögur um þjónustumiðstöð á gatnamótun Suðurlandsvegar og Landeyjahafnarvegar, svokallað Laufeyjarverkefni. Sveinn Waage, einn forsprakka verkefnisins, hefur kynnt hugmyndirnar fyrir bæjarfulltrúum Vestmannaeyjabæjar, þar sem gert er ráð fyrir nýrri tegund þjónustumiðstöðvar, sem tekur m.a. mið af umhverfissjónarmiðum og fellur vel inn í landslagið.
Niðurstaða bæjarráðs var:
Bæjarráð fagnar frumkvæði aðila að þjónustumiðstöð við Suðurlandsveg. Bæjarráð telur ekki unnt á þessum tímapunkti að fjárfesta í verkefninu né veita sérstakar fjárveitingar til þess.
Eru reiðubúin til viðræðna við aðila verkefnisins um annars konar aðkomu
Bæjarráð er hins vegar reiðubúið til viðræðna við aðila verkefnisins um annars konar aðkomu, hvort sem það er í formi hvatningar, viðræðna við stjórnvöld um þátttöku eða annað.
Tígull heyrði í Sveini Waage í kjölfarið og fékk hans viðbrögð við þessari niðurstöðu Vestmannaeyjabæjar
Við fögnum áhuga bæjarins á verkefninu og hlökkum til vinna það áfram með yfirvöldum og þeim fjölmörgu í Eyjum sem stutt okkur og hvatt til dáða. Vestmannaeyjabær var aldrei að verða lykilfjárfestir en þegar stöðin rýs verður án efa farsælt samstarf með bænum, Herjólfi og ferðamálasamtökunum í Eyjum.
Saman munum við stórauka traffíkina til Eyja segir Sveinn að lokum.
