Vestmannaey VE er að landa fullfermi Neskaupstað

Ísfisktogarinn Vestmannaey VE kom til Neskaupstaðar í morgun með um 80 tonn og er þorskur uppistaða aflans.

Að sögn Birgis Þórs Sverrissonar hefur verið heldur rólegt á Austfjarðamiðum að undanförnu.

„Við byrjuðum túrinn á Glettinganesflaki og Seyðisfjarðadýpi og aflinn var heldur lítill. Síðan færðum við okkur yfir í Norðfjarðardýpið og þar kom skammvinnt skot. Almennt má segja að afli á Austfjarðamiðum hafi verið tregur allan þennan mánuð en við höfum takmarkað verið að veiðum vegna þess að það þurfti að sinna smávægilegum lagfæringum á skipinu. Reglan er sú að það þarf að laga ýmislegt til á nýjum skipum,“ segir Birgir Þór. 

Vestmannaey mun halda til veiða á ný strax að löndun lokinni.

frétt tekin frá vef Síldarvinnslunnar, forsíðu mynd á Guðmudnur Arnar Alfreðsson