Óli Bjarki hélt sitt fyrsta opinbera uppistand í kvöld og var það haldið í Eyjabíó. Vel var mætt á viðburðinn eða rúmlega 60 manns.
Óli Bjarki er mikill áhugamaður uppistanda og hefur verið með nokkur í gegnum árin m.a í Tónlistarskóla Vestmannaeyja þegar hann var yngri og nokkur stutt uppistönd hjá Framhaldsskóla Vestmannaeyja.
Hann stóð sig frábærlega, með skemmtilegar pælingar, frumlegur og gaman að heyra hvernig hann tvinnar kvikmyndaáhugann sinn í brandarana. Hann er ungur og efnilegur og það verður gaman fylgjast með honum í framtíðinni.
„Þetta er alveg eitthvað sem ég sé sjálfan mig gera og ég vona innilega að það verði tekið vel á móti þessu. Þetta er ekki of pólitískt af því ég er vonlaus í pólitíkinni, en þetta er alveg frekar fyndið efni og ég blanda öllum mínum helstu áhugamálum inn í þetta þannig að þetta hefur stílinn minn alveg vel stimplaðann yfir“ sagði Óli Bjarki í viðtali við Tígul í síðustu viku.
Tígull skellti sér á uppstandið og náði nokkrum myndum ásamt því að fá lánaðar frá Hólmgeiri Austfjörð.
Óli Bjarki Mynd tekin í hlé Fjölskyldan saman eftir uppstandið.
