Það var blíðskaparveður þegar Vestmannaeyjahlaupið fór fram í sextánda sinn. 116 hlauparar tóku þátt með góðum árangri.
Stefán Kári Smárason sigraði 10 km í karlaflokki á tímanum 36:50. Elís Rafn Björnsson var annar á 36:54 og Sindri Georgsson þriðji á 37:24.
Fríða Rún Þórðardóttir var fyrst kvenna í 10 km á 41:49. Sandra Dís Pálsdóttir kom önnur í mark á 45:45 og Fríða Kristín Jónsdóttir þriðja á 55:14.
Hinn þrettán ára gamli Nökkvi Dan Sindrason sigraði 5 km karla á tímanum 20:08. Í öðru sæti varð Daði Guðmundsson á 20:59 og í þriðja Helgi Heiðar Stefánsson á 21:17.
Í kvennaflokki sigraði Erla Rós Sigmarsdóttir á 22:06. Önnur varð Guðrún Bára Magnúsdóttir á 22:42 og þriðja Katrín Hulda Tómasdóttir á 23:38.
Ljósmyndari Tíguls, Kata Laufey myndaði hlaupið, hér er brot af þeim myndum. Fleiri myndir er svo að finna inn á facebooksíðu hlaupsins: Vestmannaeyjahlaupið.
