11.11.2020
Á fundi framkvæmda og hafnarráðs í gær kom Friðrik Páll Arnfinnsson Slökkviliðsstjóri og fór yfir stöðuna á framkvæmdum nýju skökkviliðsstöðvarinnar.
Verkið er sem fyrr á áætlun, miðar vel áfram og í dag er staðan þessi:
Allir límtrésbitar í sl.stöð komnir upp og festir.
Allar þaksperrur í sl.stöð komnar upp, verið að vinna í lokafrágangi þ.e. endanlegum festingum loftun o.fl.
Verið að slá upp og undirbúa að steypa á milli þaksperra. Austurhlið væntanlega steypt á morgun
Búið er að steypa upp allt stigahúsið og flot undir garðvegg á N-hluta bílaplans
Allar þaksperrur í stigahús komnar upp. Verið er að klára frágang svo hægt verði að steypa á milli þeirra í dag eða morgun.
Festingar og leiðarar(undirkerfi) fyrir utanhússklæðningu er á leiðinni til eyja.
Allri helstu uppsteypu í verkinu lokið. Aðeins er eftir að steypa á milli þaksperra(verður gert í vikunni), garðveggi og seinni gólfplötu.
Búið að slípa niður 80-90% af veggjum og loftum í sl.stöð og gera klárt undir múr.
Búið er að panta alla þakglugga, reyklúgur og iðnaðarhurðir
Nú þegar er búið að opna þak Þjónustumiðstöðvar að hluta á norður- og austurhlið vegna uppbyggingarinnar og á næstu dögum hefst svo vinna við að opna þakið enn meira og koma fyrir nýjum límtrésbitum og sperrum og tengja þökin saman.
Friðrik Páll Arnfinnsson Slökkviliðsstjóri.
