Var markahæst á vellinum

Sandra Erlingsdóttir átti frábæran leik í lokaumferð dönsku B-deildarinnar í handknattleik í dag þegar lið hennar, EH Aalborg, tapaði fyrir efsta liði deildarinnar, Ringköbing, 34:31, í Ringköbing. EH Aalborg var öruggt með annað sæti deildarinnar fyrir leikinn en það gefur rétt til þess að taka þátt í umspili um sæti í úrvalsdeild fyrir næstu leiktíð.

Sandra skoraði níu mörk, þar af þrjú úr vítakasti, og var markahæst á leikvellinum. Þetta var í fyrsta sinn á keppnistímabilinu sem hún skoraði svo mörg mörk.

„Það var svolítið erfitt að fara í leik sem skipti ekki miklu máli. Við gerðum of mörg mistök sem andstæðingum okkar tókst að nýta sér. Þar var munurinnn,“ sagði Sandra við handbolta.is.

Sem fyrr segir fer Ringköbing beint upp í úrvalsdeild. Liðið fékk 39 stig í 22 leikjum. EH Aalborg hlaut 34 stig og SönderjyskE 32 eftir að hafa marið sigur á Bjerringbro í dag.

Að sögn Söndru eru framundan leikir við SönderjyskE um keppnisrétt að mæta neðsta liði kjallarakeppni úrvalsdeildar. Kjallarakeppnin stendur nú yfir og situr Horsens í neðsta sæti en öll kurl eru ekki komin til grafar. Sandra sagði leikina við SönderjyskE fara fram síðar í þessum mánuði. Vinna þarf tvo leiki til að komast í umspilsleikina við botnliðið úr kjallarakeppni úrvalsdeildar.

EH Aalbor verður með heimaleikjarétt í leikjunum við SönderjyskE.

Handbolti.is greindi frá og forsíðumyndin er tekin af EH Aalborg Support.

Share on facebook
Share on twitter
Share on linkedin
Share on google
Share on pinterest

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:
  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is