Slökkviliðið var ræst út af Neyðarlínunni klukkan 07.30 í morgun þegar tilkynnt var um reyk og eld um borð í Ísleifi VE þar sem hann var við löndun hjá Vinnslustöðinni.
Sem betur fer var hvorki um eld né reyk að ræða heldur hafði dæla í RSW kælikerfi skipsins ofhitnað og rör sprungið með þeim afleiðingum að heit gufa myndaðist í rýminu. Tóku vélstjórar skipsins því fljótlega við í framhaldinu og hófu viðgerð.
Greint er frá þessu á facebooksíðu Slokkviliðs Vestmannaeyja eins eru myndir frá þeim einnig.
