Fiskistofa hefur úthlutað 111.469 tonna veiðiheimildum í norsk-íslenskri síld á grundvelli aflahlutdeilda og eru ellefu útgerðir handhafar slíkra aflaheimilda, en fjórar útgerðir eru samanlagt með 63,7% aflahlutdeild í tegundinni. Frá þessu er greint á sjávarútvegsvef Morgunblaðsins 200 mílum.
Samkvæmt upplýsingum á vef Fiskistofu: er þessu skipt svona:
Ísfélag Vestmannaeyja fær úthlutað mest eða því sem nemur 22.464 tonnum sem er 20,2% af aflamarkinu.
Síldarvinnslan fær 21.198 tonn eða 19%
Brim fær 15.722 eða 14,1%
Samherji fær 11.617 tonn eða 10,4%
Skinney-Þinganes er með fimmtu stærstu hlutdeildina og nemur hún 9% eða 10.000 tonnum.
Eskja fær 9.556 tonn eða 8,6%
Vinnslustöðin fær 7.598 tonn eða 6,8%
Huginn fær 5.182 tonn eða 4,6%
Gjögur fær 5.005 tonn eða 4,5%
Útgerðin Runólfur Hallfreðsson er með tíundu stærstu hlutdeildina 2,4% eða 2.623 tonn.
Loðnuvinnslan rekur lestina með 504 tonn og 0,5% hlut.
Forsíðumynd er af Huginn VE við löndun í fyrra.
