18.07.2020
Mikil blöndun er á síld og makríl á miðunum, en síldarkvóti þessa árs er hins vegar nánast uppurinn. Sjávarútvegsráðuneytið mun að öllum líkindum verða við óskum útgerðarmanna í næstu viku. Makrílvertíðin fer hægt af stað. Minna af fiski virðist finnast á miðunum og veður verið óhagfellt síðustu vikur.
Útgerðarmenn vilja færa hluta af lamarks síldar frá næsta kvótaári yfir á yfirstandandi kvótatímabil, til að mæta því að mikil síld hefur veiðst sem meðafli á makrílvertíðinni. Aðeins eru um 2.000 tonn óveidd af af lamarki síldar á yfirstandandi kvótaári. Nýtt kvótaár hefst þann 1. september.
Samtök fyrirtækja í sjávarútvegi hafa óskað eftir því við sjávarútvegsráðuneytið að af laheimildir næsta árs megi nýta núna í ágúst, frekar en síðar í haust. Makrílvertíðin hófst undir lok júní og stendur jafnan fram í ágúst innan landhelgi Íslands. Í september þarf gjarnan að sækja makrílinn á fjarlægari mið svo sem í Smuguna. Það er því til mikils að vinna fyrir útgerðina að veiða makrílinn fyrr en síðar.
Gunnþór Ingvarsson hjá Síldarvinnslunni í Neskaupstað segir hugsanlegt að íslenski f lotinn haldi fyrr í Smuguna í ár, ef tíðarfar batnar ekki á Íslandsmiðum. „Við vitum að það er nóg af makríl þar,“ segir Gunnþór, en að minnsta kosti tólf skip frá Rússlandi eru við makrílveiðar á svæðinu.
Veiðiráðgjöf Hafrannsóknarstofnunar vegna íslensku sumargot ssíldar innar veg na næst a kvótaárs, hljóðar upp á 35.500 tonn. Fulltrúar útgerðarmanna hafa stungið upp á því að fimm til tíu þúsund tonn verði flutt yfir á yfirstandandi kvótaár. Hugsanlegt er að sjávarútvegsráðherra samþykki þessa breytingu strax í næstu viku.
„Síldin hefur mikið verið að þvælast fyrir okkur, sem hefur gert þetta erfitt,“ segir Þorsteinn Kristjánsson, forstjóri Eskju á Eskifirði. Hann segir að allt að 30-35 prósent afla í hverju holli á makrílslóð hafi verið síld.
Leyfilegt aflamagn af makríl sem veiða má á yfirstandandi fiskveiðiári, er um 166 þúsund tonn.
Hrygningartímabil íslensku sumargotssíldarinnar hefst hins vegar undir lok mánaðar og eru bundnar vonir við að hún aðskilji sig þá betur frá makrílnum.
Vertíðin farið hægt af stað
Útgerðir í Vestmannaeyjum eru jafnan fyrstar af stað á makrílvertíð, en hans gætir fyrst suður af landinu, áður en hann fikrar sig upp með ströndinni. Vinnslustöðin í Vestmannaeyjum var einna fyrst útgerða til að hefja makrílveiðar í ár, í lok júní. „Við byrjuðum frekar snemma í ár,“ segir Sindri Viðarsson sem stýrir uppsjávarsviði félagsins.
„Það hentar okkur að veiða makrílinn meðan hann er hér í kringum Eyjar. Það voru fínar aðstæður í júní, en stærstan hluta júlí hefur verið heldur þungbúið á miðunum og vont í sjóinn,“ segir hann, en sól og blíða eru kjöraðstæður til makrílveiða þar sem fiskurinn heldur sig nærri yfirborði sjávar. Vinnslustöðin hefur veitt um 5000 tonn af makríl það sem af er vertíð, eða um það bil þriðjung aflamarks síns.
Páll Guðmundsson, forstjóri Hugins sem einnig er í Vestmannaeyjum, segir að vertíðin hafi farið hægar af stað en í fyrra og að minna virðist vera af fiski á ferðinni í ár. „Í fyrra var líka betra rennsli í sölunni. COVID-19 hefur haft sitt að segja hvað varðar eftirspurn og síðan er þrýstingur á verðin,“ segir Páll.
Algengt verð á makríl fyrir ári var um 1.800 dalir á tonnið á afhendingarstað, en nú er verð nálægt 1.500 dölum. Styrking dalsins gagnvart öðrum gjaldmiðlum hefur þó sitt að segja líka.
