Út í sumarið 2020 / félagsstarf eldri borgara í Vestmannaeyjum

22.07.2020

Þann 25.júní s.l hófst verkefnið „Út í sumarið 2020“ hjá Vestmannaeyjabæ með styrk frá félagsmálaráðuneytinu.

Verkefnið miðar að því að rjúfa félagslega einangrun og skerta samveru sem margir upplifðu í Covid 19 ástandinu enda margir eldri borgarar sem fóru í a.m.k sjálfskipaða sóttkví.

Markmiðið með verkefninu er m.a að auka lífsgæði og gleðja þátttakendur. Allir eldri borgarar í Vestmannaeyjum eru velkomnir að taka þátt þeim að kostnaðarlausu. Boðið er upp á akstur á viðburðina fyrir þá sem það þurfa en að jafnaði eru viðburðir kl. 14 á þriðjudögum og fimmtudögum.
Viðburðirnir eru auglýstir á sérstakri síðu verkefnisins á fasbókinni (facebook), á fasbók félags eldri borgara og á fasbók Vestmannaeyjabæjar. Við hvetjum aðstandendur þeirra eldri borgara sem ekki eru á netinu að kynna verkefnið fyrir sínu fólki.

Tengiliðir Vestmannaeyjabæjar við verkefnið eru Sólrún Gunnarsdóttir s. 488 2602/860 1030 (solrun@vestmannaeyjar.is) og Kolbrún Anna Rúnarsdóttir s. 488 2607 (kolla@vestmannaeyjar.is) og er hægt að fá nánari upplýsingar hjá þeim.

Það sem af er hefur verið farið í menningarferð í Eldheima til Kristínar Jóhannsdóttur, í útijóga á Skansinum með Helen Dögg, í rútu-og menningarferð með Viking tours þar sem Ívar Atla tók á móti hópnum, fræddi og sýndi nýju varmadælustöðina. Farið var í heimsókn til Gríms kokks þar sem hann tók vel á móti hópnum og kynnti framleiðsluna og fyrirtækið. Ekki var nú verra að hann bauð hópnum upp á smakk á því sem hann er að framleiða. Sagnheimar voru heimsóttir þar sem Ester Bergs tók nokkur lög í þjóðhátíðartjaldinu. Spilað var bingó í Kviku og í dag var samvera á Skansinum með léttum veitingum, gítarspili og sumarsöng frá Jarli Sigurgeirs.

Framundan eru fleiri viðburðir af gleði, skemmtun, söngatriðum, menningu og samveru. Einnig er tekið vel á móti hugmyndum af viðburðum.

Næsti viðburður er fimmtudaginn 23.júlí kl. 14 en þá ætlar Þórður Rafn Sigurðsson að bjóða eldri borgurum á Halkion bátinn hjá Rib safari fyrirtækinu. Þórður ætlar í um klukkutímasiglingu sem verður án efa hin besta skemmtun og veðurspáin er góð. Skrá þarf sig í þennan viðburð hjá tengiliðum verkefnis eða á þeim fasbókarsíðum sem að ofan greinir.

Share on facebook
Share on twitter
Share on linkedin
Share on google
Share on pinterest
Sjósund í Höfðavík í dag – myndir og myndband
Gleðilegt ár frá Landakirkju
Yndisleg helgistund frá Landakirkju
Jólaminning – skemmtilegar heimildir frá því að fyrsta jólatréið var sett upp
Jól í nýju landi-Rúmenía
Frábær jólastemning í bænum í gærkvöldi – myndir

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:
  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is