Mánudagur 9. nóvember 2026

Uppvakningar á Íslandi í nýju hlaðvarpi Eyþórs og Hem

Hjónin Eyþór og Hem hafa framleitt hlaðvörp í frítíma sínum undanfarinn áratug. Nýjasta verkefni þeirra, Varúð: Dead Ísland, segir frá þremur frændum á leið til Hafnar í Hornafirði eftir að uppvakningafaraldur hefur herjað á heiminn.

Íslenskt sögusvið er í forgrunni í nýju hlaðvarpi hjónanna Eyþórs og Hem, sem hóf göngu sína 1. október. Þar fylgja hlustendur þremur frændum, tveimur íslenskum og einum bandarískum, á ferð þeirra til Hafnar í Hornafirði í heimi þar sem uppvakningafaraldur hefur brotist út.

Sagan er flutt á ensku og meðal þátttakenda eru tveir íslenskir leikarar. Þótt tungumálið sé enska er um að ræða heimaræktað verkefni þar sem Ísland er vettvangur atburðanna.

Eyþór og Hem hafa sinnt hlaðvarpsgerð samhliða öðrum störfum síðasta áratuginn, en síðustu tvö ár hafa þau lagt aukna áherslu á verkefni sín. Nýja þáttaröðin er tekin upp með þátttakendur saman í rými og myndavélar í gangi, í heimastúdíói sem hjónin komu sér upp í sameiningu.

Þetta er ekki í fyrsta sinn sem hlaðvarpsverkefni þeirra vekja athygli. Þegar rætt var við þau árið 2020 höfðu þau hlotið tilnefningar til Audio Verse Awards fyrir þátttöku sína og framleiðslu á hlaðvörpum. Lag þeirra, Funeral Rites of Celégon, vann til verðlauna í flokknum „Vocal Composition in a Production“.

Alls verða þættirnir í Varúð: Dead Ísland 48 og koma út hver á fætur öðrum í október og nóvember. Fyrsti þátturinn er þegar aðgengilegur á YouTube og Spotify.

Með verkefninu vilja Eyþór og Hem vekja athygli á heimaræktuðum sögum og hvetja fólk hér heima til að kynna sér þær, jafnvel þótt þær séu fluttar á ensku.

 

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search