Upplýsingar frá prestum Landakirkju – fermingar – starf og helgihald vegna Coronavírusins – Tígull.is – Fréttir og viðburðir í Vestmannaeyjum
Landakirkja

Upplýsingar frá prestum Landakirkju – fermingar – starf og helgihald vegna Coronavírusins

07.03.2020 kl 10:00

Vegna Coronavírusins – Covid 19

Helgihald og starf í Landakirkju verður með hefðbundnum hætti meðan sóttvarnalæknir gefur ekki út að samkomubann ríki í landinu. Það er mikilvægt að við pössum vel hvert annað, styðjum og hvetjum og hughreystum okkur sjálf og náunga okkar. Hjálpum þeim sem finna fyrir óöryggi og eru óttaslegin varðandi framtíðina.

Í ráðleggingum frá Barnaspítala Hringsins segir m.a. „Við leggjum áherslu á að nota skynsemi við ákvarðanir, láta óttann ekki ná tökum og fara að ráðleggingum sóttvarnalæknis. Þessi faraldur mun ganga yfir og best að takast á við þetta tímabundna ástand með yfirvegun og skynsemi að leiðarljósi. Einnig leggjum við áherslu á að vanda sig í allri umfjöllun um veiruna og varast að vekja óþarfa ótta hjá börnum og unglingum.“

Nokkur orð í jósi ferminga sem hefjast í næsta mánuði og áhættunnar af veirusmitum í margmenni. Við í kirkjunni fylgjumst vel með fréttum og skilaboðum frá Landlækni og Almannavörnum.

1. Ef það er ennþá hættuástand munum við ekki hafa altarisgöngur í fermingarathöfnunum og við tökum ekki í hönd fermingarbarna við ferminguna og prestur kveður söfnuðinn ekki með handarbandi við kirkjudyr að lokinni messu eins og venjulega.

2. Ef almannavarnir gefa út bann við samkomum í landinu á þessum tíma þá verðum við að fresta fermingarathöfnunum og auðvitað fermingarveislum. Þetta myndi auðvitað skapa mikið rask en við erum fólk sem kunnum að bregðast við áföllum og mæta hindrunum. Við munum gera allt til að koma til móts við fermingarbörnin og fjölskyldur þeirra og eitt er víst að þau munu fá sína fermingu og fermingarveislu en við verðum samstíga Almannavörnum og Landlækni í þessum efnum.

3. Í fyrsta Jóhannesarbréfi þriðja kafla standa þessi orð: ,,Börnin mín, elskum ekki með tómum orðum heldur í verki og sannleika.” Þetta eru góð orð. Í kringum okkur er aldraðir ástvinir og líka fólk með undirliggjandi sjúkdóma, nú er það okkar allra að vernda þetta samferðarfólk okkar sem eru í sérstökum áhættuhóp.

Bestu kveðjur frá prestum Landakirkju
Guðmundur Örn Jónsson & Viðar Stefánsson

Share on facebook
Share on twitter
Share on linkedin
Share on google
Share on print
Jólasveinaklúbbur 2020
Sektarlaus vika á Bókasafni Vestmannaeyja!
Skora á umhverfis og skipulagsráð Vestmannaeyja
Týnd í 47 ár en er nú komin í réttar hendur
Guðdómlega fallegur fluttningur hjá Unu og Söru Renee á laginu The Prayer
26 styrkumsóknir bárust fyrir Viltu hafa áhrif 2021

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is