18.03.2020
Ykkur til upplýsinga þá eru 3 kennarar og einn stuðningsfulltrúi í sóttkví. Einnig höfum við fengið tilkynningar um nemendur sem komnir eru í sóttkví.
Eftir þeim upplýsingum sem við höfum, eru þessir einstaklingar einkennalausir og ekki smitaðir eins og staðan er í dag.
í framhaldi langar mig að benda á eftirfarandi leiðbeiningar frá smitrakningarteymi almannavarna.
Smitrakningarteymi almannavarna og sóttvarnalæknis vill árétta eftirfarandi:
Einstaklingur fer í sóttkví ef hann hefur:
Mögulega umgengist einstakling með nýja kórónuveirusýkingu
Verið á áhættusvæði en er ekki ennþá veikur sjálfur.
Aðrir á heimilinu sem ekki voru útsettir fyrir smitinu þurfa EKKI í sóttkví. Ef um ungt barn er að ræða er nauðsynlegt að fullorðinn einstaklingur fari í sóttkví með barninu.
Mikilvægt er að skipuleggja umgengni á heimilinu þannig að þeir sem eru í sóttkví og hinir séu sem allra minnst á sömu svæðum íbúðarinnar. Í sameiginlegum rýmum eins og á salerni og í eldhúsi þarf að gæta sérstaks hreinlætis.
Sóttkví vegna COVID-19 eru 14 dagar frá þeim degi sem einstaklingur var nálægt smituðum einstakling. Ef einstaklingur í sóttkví fær einkenni á hann að hringja í heilsugæsluna sína næsta virka dag til að fá sýnatöku.
Frekari leiðbeiningar vegna sóttkvíar í heimahúsi er að finna á https://www.covid.is/flokkar/sottkvi.is og www.landlæknir.is
Vinsamlega kynnið ykkur leiðbeiningarnar vel. Ef spurningar vakna má hafa samband við netspjall á www.heilsuvera.is
Bestu kveðjur
Anna Rós Hallgrímsdóttir
Skólastjóri GRV
