UPPHAF ALDAUÐANS II Sýning í Eldheimum – Tígull.is – Fréttir og viðburðir í Vestmannaeyjum
Þór Sigurþórsson sýnir nemendum Grænuborgar egg geirfuglsins

UPPHAF ALDAUÐANS II Sýning í Eldheimum

18.11.2020

Listasafn ASÍ stendur fyrir myndlistarsýningum, barnanámskeiðum og vinnustofum barna á fjórum stöðum á landinu. Verkefnið tengist útkomu bókar Gísla Pálssonar um FUGLINN SEM GAT EKKI FLOGIÐ. Fyrstu viðkomustaðir sýningarinnar voru í Ásmundarsal við Freyjugötu og Listagilinu á Akureyri. Eldheimar eru næsti viðkomustaður og sýningin verður opin á opnunartíma safnsins kl. 13:30 – 16:30 laugardaginn 21. og sunnudaginn 22. nóvember.

Bókin verður til sölu í safninu og laugardaginn 21. nóvember  mun Gísli Pálsson árita bók sína og spjalla við gesti sýningarinnar. Boðið verður uppá léttar veitingar og allir eru velkomnir.

Vegna smithættu verður ekki hægt að bjóða uppá vinnusvæði barna á sýningunni en börn sem líta við í Eldheimum þessa helgi fá teiknibók að gjöf sem þau geta tekið með sér heim og teiknað í myndir af horfnum fuglum og öðrum dýrum sem eru í útrýmingarhættu.

Reglur um sóttvarnir setja verkefninu nokkrar skorður þar sem hámark 10 manns mega vera inni í einu og skylda að bera grímu.

 

U P P H A F A L D A U Ð A N S

Bókarkynningar, listsýningar og tengdir viðburðir í október og nóvember 2020.

Efnt hefur verið til kynningar á nýrri bók Fuglinn sem gat ekki flogið eftir Gísla Pálsson (Mál og menning), sem fjallar um örlög geirfuglsins, og sýningar með verkum eftir Ólöfu Nordal, Ragnhildar Ágústsdóttur og Örlyg Kristfinnsson sem hverfast um fugla. Auk þess var efnt til barnanámskeiða og opinnar málstofu um aldauðann í samtímanum.

Af hverju skyldi aldauði geirfuglsins vera á dagskrá? Tegundin leið undir lok við Ísland, á Eldey við Reykjanes 3. júní 1844. Örlög geirfuglsins voru skráð í einstöku handriti, Geirfuglabókum, sem skráðar voru í Íslandsleiðangri tveggja Breta (1858) en lítið hefur verið fjallað um. Geirfuglinn varð tilefni almennrar umræðu á nítjándu öld um aldauða tegunda. Nú á tímum vofir yfir allsherjar aldauði tegunda.

 

Laugardagur og sunnudagur, 21. og 22. nóvember


Eldheimar, Vestmannaeyjum: Bókakynning og myndlistarsýning á verkum Ólafar Nordal, Ragnhildar Ágústsdóttur, Örygs Kristfinnsonar auk verka barna sem tóku þátt í vinnustofu í vikunni áður. Vinnusvæði opið fyrir börn sem vilja tjá sig um efni sýningarinnar.

Verkefnið er styrkt af Barnamenningarsjóði, Myndlistarsjóði og Safnasjóði. Barnanámskeiðið á Akureyri er unnið í samvinnu við Listasafnið á Akureyri með styrk frá Uppbyggingarsjóði Norðurlands eystra.

Share on facebook
Share on twitter
Share on linkedin
Share on google
Share on print
Skora á umhverfis og skipulagsráð Vestmannaeyja
Týnd í 47 ár en er nú komin í réttar hendur
Guðdómlega fallegur fluttningur hjá Unu og Söru Renee á laginu The Prayer
26 styrkumsóknir bárust fyrir Viltu hafa áhrif 2021
Ör hugvekja á síðasta sunnudegi kirkjuársins
Ási í Bæ – myndband frá SIGVA media frá 2014

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X