17.04.2020 kl 15:40 uppfært
Tilkynning frá Aðgerðastjórn:
Eitt smit hefur bæst við í Vestmannaeyjum og er heildarfjöldi smita því 104. Þeir sem hafa náð bata eru 79 og því aðeins 25 manns með virk smit. Í sóttkví eru 91. Aðilinn sem greindist er fjölskyldumeðlimur einstaklings sem hafði greinst áður og er því ekki um óvænt smit að ræða eða á nýjum stað í samfélaginu.
Við verðum áfram að virða reglur og gæta að eigin sóttvörnum.
f.h. aðgerðastjórnar
Páley Borgþórsdóttir, aðgerðastjóri.
Frétt frá því fyrr í dag:
Eitt staðfest smit kom upp í Vestmannaeyjum á síðasta sólarhring.
Þórólfs Guðnasonar, sóttvarnalæknir greindi frá á upplýsingafundi vegna Covid-19 núna kl 14:03 í dag.
Þetta er fyrsta smit í Vestmannaeyjum síðan á þar síðasta mánudag. Alma Möller, landlæknir segir að verið hafi mikið álag í Vestmannaeyjum og á næstu dögum á von á viðmæendum á fund Almannavarna frá Vestmannaeyjum að sögn Ölmu.
Hér er einnig tilmæli frá GRV:
Skólar voru beðnir um að benda foreldrum á eftirfarandi:
Ábendingar um að hópamyndum unglinga á leiksvæðum að kvöldlagi hefur verið að aukast. Ástæðan er líklega gott veður og þær jákvæðu fréttir sem hafa verið að berast af þróun mála hjá okkur. Það er aftur á móti mjög mikilvægt að við höldum fókus og sofnum alls ekki á verðinum.
Viljum við hvetja ykkur til vitundar um að við verðum öll halda áfram að fara eftir fyrirmælum og sporna gegn allri hópamyndum.
