UPPFÆRT KL 04:25 – Vegna verkfallsboðanna !

09.03.2020

VERKFÖLLUM AFLÝST SJÁ FRÉTT OKKAR – Bæjarstarfsmenn undirrita kjarasamning – verkföllum aflýst

Nú er orðið ljóst að verkföll eru hafin því ekki tókst að semja fyrir miðnætti í kvöld.

Verk­fall BSRB og aðild­ar­fé­laga þeirra er skollið á. Fund­ur stend­ur enn yfir hjá Rík­is­sátta­semj­ara. Tæp­lega 16 þúsund fé­lags­menn leggja niður störf. Boðað hef­ur verið verk­fall á mánu­dag og þriðju­dag. 

Stíft hef­ur verið fundað alla helg­ina hjá Rík­is­sátta­semj­ara. All­ir sex fund­ir sem voru á dag­skrá frá því í morg­un standa enn yfir. Sam­eyki fund­ar með ríki og Reykja­vík­ur­borg. Sjúkra­liðafé­lag Íslands ræðir við ríki og sveit­ar­fé­lög, Efl­ing við Reykja­vík­ur­borg og Sam­flot við samn­inga­nefnd sveit­ar­fé­lag­anna. 

Hér fyr­ir neðan má sjá hvaða hóp­ar það eru sem fara í verk­fall og hvenær verk­fallsaðgerðir standa yfir.

Fé­lags­menn í eft­ir­töld­um fé­lög­um munu taka þátt í verk­fallsaðgerðunum:

• Fé­lag op­in­berra starfs­manna á Aust­ur­landi
• Fé­lag op­in­berra starfs­manna á Vest­fjörðum
• FOSS, stétt­ar­fé­lag í al­mannaþjón­ustu
• Kjöl­ur – stétt­ar­fé­lag starfs­manna í al­mannaþjón­ustu
• Lands­sam­band slökkviliðs- og sjúkra­flutn­inga­manna
• Sam­eyki – stétt­ar­fé­lag í al­mannaþjón­ustu
• Sjúkra­liðafé­lag Íslands
• Starfs­manna­fé­lag Dala- og Snæ­fells­nes­sýslu
• Starfs­manna­fé­lag Fjalla­byggðar
• Starfs­manna­fé­lag Fjarðabyggðar
• Starfs­manna­fé­lag Hafn­ar­fjarðar
• Starfs­manna­fé­lag Húsa­vík­ur
• Starfs­manna­fé­lag Kópa­vogs
• Starfs­manna­fé­lag Mos­fells­bæj­ar
• Starfs­manna­fé­lag Suður­nesja
• Starfs­manna­fé­lag Vest­manna­eyja

Upplýsingar teknar frá mbl.is

Tekur þá gildi þessi tilkynning frá GRV hérna að neðan.

08.03.2020 kr 21:10

Tígull mun fylgast vel með og setja inn um leið og ljóst er hvernig mun fara seinna í kvöld.

Tilkynning frá skóastjóra GRV

Kæru foreldrar/forráðamenn

Athugið að ef það kemur til verkfalls á morgun, verður ekki hægt að bjóða upp á hádegismat mánudag og þriðjudag. Nemendur þurfa því að mæta með hádegisnesti þessa tvo daga.
Ástæðan fyrir því er að landlæknir gaf út tilmæli um að það sé öruggast að starfsmenn skóla skammti mat til nemenda, Þetta sé liður í að hefta útbreiðslu kórónaveirunnar.
Matráðar skólanna fara í verkfall og verða þá ekki til staðar til að skammta mat til nemenda, aðrir starfsmenn mega ekki ganga í þeirra störf.

Ég minni á að skóla lýkur kl. 11:40 hjá 1. bekk og 11:20 hjá öðrum bekk, þessa tvo daga, ef það verður verkfall.

Við vonum auðvitað að það verði samið í kvöld og hvetjum ykkur til að fylgjast vel með.

Helgi R Tórzhamar tók þessa forsíðumynd séð frá Blátind yfir bæinn.