Þriðjudagur 27. september 2022

Unnið er að hækkun framfærslu námsmanna

Unnið er að því að bæta hag námsmanna og færa kjör þeirra nær neysluviðmiðum. Meðal markmiða Menntasjóðs námsmanna, sem nú hefur starfað í tæpt ár, er að auka jafnrétti til náms og bæta fjárhagsstöðu einstaklinga í námi og eftir að námi þeirra lýkur

Framfærsluviðmið námslána hafa hækkað umfram verðlag, en þó ekki fylgt kaupmáttaraukningu að fullu. Unnið er að því að brúa þessi bil og ráðgert er að stíga mikilvæg skref í þá veru á næstu vikum. Ríkisstjórnin samþykkti í gær að fela hópi ráðuneytisstjóra að vinna tillögur að hækkun framfærslu námsmanna og skila tillögum þar að lútandi fyrir 1. maí nk.

„Við viljum að Menntasjóður námsmanna sé öflugt jöfnunartæki og mæti fjölbreyttum þörfum stúdenta. Ég tel hækkun framfærslu námsmanna nauðsynlega og góða fjárfestingu yfir samfélagið, ekki síst í ljósi markmiða okkar um framtíðarvöxt hagkerfisins og langtímaatvinnustig ungs fólks.“ segir Lilja Alfreðsdóttir mennta- og menningarmálaráðherra.

Nýjar úthlutunarreglur Menntasjóðs námsmanna fyrir skólaárið 2021-2022 hafa verið birtar. Þar kemur meðal annars fram að:

• Framfærsla, húsnæðisbætur og barnastyrkur hækka um 3,45%, með hliðsjón af verðlagsbreytingum.
• Frítekjumark námsmanna verður 1.410.000 kr. og hækkar um 46.000 kr. frá fyrra ári.
• Skilyrði fyrir undanþágu vegna námsframvindu vegna örorku er lækkað úr 75% í 50% hlutfall.
• Námsmenn sem eru skráðir eru í bakvarðasveit geta áfram óskað eftir því að tekjur sem aflað er vegna þeirrar vinnu verði dregnar frá við útreikning á námslána.
• Heimilt er að veita nemendum í staðnámi viðbótarframfærslu (staðaruppbót) í þeim löndum þar sem verulega munar á íslenskri framfærslu og framfærslu í viðkomandi landi.
• Heimilt verður að nýta viðbótarskólagjaldalán vegna náms sem skipulagt er sem samfellt nám lengur en 5 ár, líkt og nám í læknisfræði, óháð námsári. Með þessari heimild er komið til móts við gengisbreytingar á skólagjöldum án þess að hækka hámark skólagjaldalána.
• Umsóknarfrestir námslána eru samræmdir og verða núna 15. janúar fyrir vorönn, 15. júní fyrir sumarönn og 15. september fyrir haustönn.

Forsíðumynd: Reynir Þrastarson / LÍS

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is