29.04.2020
Sex ungir peyjar úr Framhaldskóla Vestmanneyja unnu verðlaun fyrir bestu tæknilausnina/forritunina í nýsköpunarkeppni Ungra frumkvöðla.
Þetta eru þeir Rúnar Gauti Gunnarsson, Sæþór Páll Jónsson, Sævald Gylfason, Kristófer Tjörvi Einarsson, Leó Viðarsson og Daníel Scheving Pálsson.
Hugmyndin okkar var að framleiða pútter sem inniheldur greiningartæki. Það er byltingarkennt á golfkylfusviðinu þar sem tækni sem þessi hefur ekki komið fram áður.
Greiningartækin hafa alltaf verið aðgreind frá kylfunni en IQroll pútterarnir munu innihalda alla tæknina inni í kylfu hausnum sjálfum. Við stefnum á að byrja að framleiða pútterana um leið og við höfum aðgang að öllum vélum sem til þarf. Tæknin mun verða mun ódýrari en áður hefur sést eða í kringum 50-70 þúsund í stað 4 milljóna.
Við lítum björtum augum til framtíðar og hlökkum til frekari þróunnar segir Rúnar Gauti að lokum og vill hann koma þakklæti til Sigursteins Marínóssonar ( Diddi Mar ) en hann aðstoðaði þá í ferlinu.
Það er hægt að skoða þetta nánar hjá þeim inn á heimasíðu þeirra IQroll.com og einnig gefa þeim LIKE á facebook.
Tígull óskar þeim innilega til hamingju með þennan flotta árangur og óskar þeim góð gengis.
