Ýmsar úrbætur á gatnakerfi hafnarsvæðisins voru ræddar á síðasta fundi umferðarhóps umhverfis- og skipulagsráðs. Fjallaði hópurinn t.a.m. eftirfarandi;
- Umbætur á beyjuakrein á horni Strandvegs og Heiðarvegs.
Hvort mætti taka út beygjuakrein á horninu á Strandvegi og Heiðarvegi þ.e. þegar keyrt er í
austur eftir Strandvegi að þá eru tvær akreinar en ekki þrjár eins og er í dag. Þetta myndi
auðvelda stórum bílum að taka beygjuna þegar komið er úr Herjólfi
Niðurstaða: Ýmsar lausnir og sjónarhorn voru rædd. Besta lausnin að svo stöddu er talin vera
að fækka akreinum á vesturenda gatnamótana með þeim hætti að beygjuakrein verður
fjarlægð. Þannig myndist aukið pláss fyrir stór ökutæki til að taka vinstri beygju. Það gæti hins
vegar verið ruglingslegt ef að það er beygjuakreinar fyrir sumar áttir gatnamótanna. Það þarf
því að skoða betur hvernig áhrif það hefur á umferð um gatnamótin og á umferðarraðir að
fækka akreinum. Ekki talið ráðlagt að fækka akreinum þegar komið er úr Herjólfi þrátt fyrir að
bílstjórar á stórum bílum þurfti að fara á austustu akreinina til þess að komast í vestur.
Einnig var rætt að hugsanlega væri tilefni til að rekstraraðilar skoði bílakost sinn því að sum
stór ökutæki geti vel ráðið við gatnamót sem þessi. . - Einstefnu á hafnarsvæði við Tangann.
Einstefna þegar keyrt er fram hjá Tanganum í átt að Básaskersbryggju. Einstefnan gæti verið
sett upp yfir sumarmánuðina eða verið allt árið. Þetta myndi bæta öryggi þeirra fjölmörgu
farþega sem ferðast með Herjólfi. Spurning hvort setja ætti upp þrengingar til að hægja á
umferð.
Niðurstaða: Mikið er um gangandi vegfarendur á svæðinu og örtröð á svæðinu og því tilefni
til að huga að umferðaröryggi á svæðinu. Annarsvegar að beina fólki í að halda sig við
gönguleiðir en til þess þarf hugsanlega að tryggja nægt svæði á gangstéttum og þannig
mögulega að fjarlægja mannvirki á svæðinu. En einnig að takmarka umferð.
Hópurinn telur þörf á að skoða betur mögulegar úrlausnir á svæðinu og hvaða nálganir eru
bestar til að tryggja öryggi gangandi vegfarenda á svæðinu. Umferðahópurinn er enn með
þetta mál á sínu borði.
- Öryggi gangandi vegfarenda og merkingu gangbrauta við Herjólf.
Setja gangbraut á bláu göngustígana sem eru á gönguleið farþega Herjólfs bæði austan megin
við Bása (við N1) og á milli Bása og Skildingavegs 5.
Niðurstaða: Hópurinn var sammála um að forgangur gangandi vegfarenda væri ekki skýr með
merkingu blárra göngustíga. Ákveðið var að málaðar yrðu gangbrautir á leiðunum í sumar.
Hugsanlega þarf að stytta gönguleiðir yfir umferðargötur við gangbrautirnar. - Bílastæði fyrir stór ökutæki.
Á heimasíðu Vestmannaeyjabæjar er listi yfir þau svæði þar sem leggja má stórum
ökutækjum. Listi þessi er frá 2018 og tel ég að þurfi að endurskoða hann m.a. með tilliti til
nýrra bílastæða á hafnarsvæðinu. Linkur á yfirlistmynd sem á að fylgja listanum er óvirkur
https://www.vestmannaeyjar.is/mannlif/frettir/svaedi-fyrir-stor-okutaeki.
Niðurstaða: Uppfæra þarf lista yfir svæði þar sem má leggja stórum ökutækjum. Mögulegar
staðsetningar ræddar á fundinum.
