19.03.2020
Áríðandi er að foreldrar kynni sér þetta
Um samgang barna eftir skólatíma á meðan samkomubanni stendur
Við hjá Heimili og skóla fengum fyrirspurn frá foreldrafélagi um samgang barna eftir skólatíma á meðan á samkomubanni stendur. Við leituðum eftir upplýsingum hjá sóttvarnarlækni og fengum þessar leiðbeiningar:
Foreldrar eru hvattir til þess að takmarka samgang allra í fjölskyldunni við aðra utan fjölskyldunnar sem mest og hafa í huga að halda ákveðinni fjarlægð á milli einstaklinga ásamt hreinlætisaðgerðum. Þetta gildir hvort sem um er að ræða vini eða ættingja.
Foreldrar bera að sjálfsögðu ábyrgð á því hvernig þeir útfæra þessar grunnreglur um samskipti en í raun þýðir þetta að ekki er hvatt til þess að börn séu að hittast til að leika eða læra saman að óþörfu.
