U18 ára landslið kvenna í handknattleik heldur áfram að fara á kostum á heimsmeistaramótinu í handknattleik í Skopje í Norður Makedóníu. Liðið vann liðið Norður Makedóníu með þriggja marka mun, 25:22, í Boris Trajkovski íþróttahöllinni í Skopje. Íslenska landsliðið vann þar með milliriðil eitt á mótinu og er ennþá taplaust eftir fimm leiki. Næsta viðureign verður við Holland í dag klukkan 16.15 þar sæti í undanúrslitum verður undir.
Leikir í átta liða úrslitum 7. ágúst:
16.15: Ísland – Holland.
16.15: Danmörk – Frakkland.
18.30: Suður Kórea – Svíþjóð.
18.30: Ungverjaland – Egyptaland.
Sigurliðin komast í undanúrslit sem leikin verða 8. ágúst. Tapliðin leika um fimmta til áttuna sætið 8. og 10. ágúst.
Áfall fyrir íslenska landsliðið – Elísa er úr leik
Íslenska landsliðið í handknattleik kvenna, skipað leikmönnum 18 ára og yngri, varð fyrir áfalli á föstudag fyrir leikinn gegn Norður Makedóníu á heimsmeistaramótinu þegar ljóst varð að Elísa Elíasdóttir gat ekki tekið þátt.
Elísa hlaut höfuðhögg í leiknum við Íran. Hún hefur ekki jafnað sig auk þess sem ekki verður tekin nokkur áhætta á að tefla henni fram að þessu sinni enda alls ekki í fyrsta skipti sem Eyjastúlkan verður fyrir höfuðhöggi. Hún tekur ekki þátt í fleiri leikjum á mótinu.
Elísa hefur leikið afar stórt hlutverki í landsliðinu, jafnt í vörn sem sókn, fram til þessa á mótinu auk þess að vera ein reynslumesti leikmaður liðsins.
