Laugardagur 13. ágúst 2022

- Bæjarfjölmiðillinn í Vestmanneyjum -

U-18 með sigur í dag og komnar áfram

Eftir að íslenska kvennalandsliðið innsiglaði sér sæti í 16-liða úrslitum heimsmeistaramóts 18 ára landsliða í dag liggur fyrir að liðið leikur við Norður Makedóníu og Íran í milliriðlakeppninni, þ.e. tveimur efstu liðum í B-riðli. Íran og Norður Makedónía eru örugg áfram úr B-riðli eftir að hafa unnið leiki sína í tveimur fyrstu umferðum riðlakeppninnar segir á vef handbolti.is 

Norður Makedónía og Íran mætast í uppgjöri um efsta sæti B-riðils í kvöld. Á sama tíma eigast við Svartfjallaland og Svíþjóð í A-riðli og kljást um að fylgja íslenska landsliðinu eftir í milliriðil eitt á HM.Ef Svíar vinna leikinn fylgja þeir íslenska landsliðinu eftir. Ísland mun þar með taka með sér tvö stig í milliriðlakeppnina sem skiptir miklu máli til að eiga betri möguleika á að ná inn í átta liða úrslit.

Ef Svartfellingar vinna Svía eða gera jafntefli elta þeir íslenska liðið áfram í milliriðil. Svartfellingar verða að vinna með amk átta marka mun til þess að skáka íslenska liðinu í kapphlaupi um efsta sæti riðilsins.

Fari Svartfellingar áfram með Íslandi byrjar hvort lið með eitt stig í milliriðlakeppninni.

Fyrri leikur Íslands í milliriðli verður á morgun, miðvikudag, en sá síðari á föstudaginn. Leiktímar eru annað hvort kl. 16.30 eða 18.30 (íslenskur tími).
Handbolti.is mun segja frá framhaldinu um leið og það liggur fyrir í kvöld.

Sextán liða úrslit verða leikin í fjórum fjögurra liða riðlum. Tvö efstu lið hvers riðils komast í átta liða úrslit. Tvö þau neðri taka sæti í keppni um níunda til sextánda sætið.

Hér eru glaðar eyjamær eftir leikinn í dag. Forsíðumynd er frá handbolti.is /IHF

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is