06.03.2020
4.flokkur kvenna og meistaraflokkur karla eru á leið í úrslitaleiki um helgina í bikarnum
Meistarflokkur mætir Stjörnunni klukkan 16:00 á morgun laugardag í Laugardalshöll og 4.flokkur kvenna mætir liði HK 2 í Laugardalshöll á sunnudaginn klukkan 14.00.
Gaman að segja frá frétt sem birtist í á visi.is í morgun þar sem Gunnar Birgirsson tók viðtal við Rúnar Sigtryggsson, þjálfara Stjörnunnar:
Rúnar Sigtryggsson, þjálfari Stjörnunnar, var tekin í sjónvarpsviðtal á RÚV strax eftir leikinn. Hann var ekki lengi að skjóta á mótherja Stjörnunnar í bikarúrslitaleiknum þegar hann var spurður út í leikinn á móti ÍBV.
Gunnar Birgisson tók viðtalið fyrir Rúv og spurði Rúnar um það hvort hann væri farinn eitthvað að kortleggja ÍBV-liðið í huganum fyrir bikarúrslitaleikinn.
„Leikfélag Vestmannaeyja?“ svaraði Rúnar Sigtryggsson og brosti. Hann átti síðan mjög erfitt með sig eftir að hann skírði ÍBV liðið upp á nýtt.
„Við þurfum að pæla vel í því hvernig við tæklum þá,“ sagði Rúnar hálfhlæjandi. Rúnar er þarna augljóslega að skjóta á Eyjamenn fyrir að vera með leikaraskap inn á handboltavellinum.
Það verður vissulega fróðlegt að sjá hvernig Eyjamenn taka þessu skoti en það hefur hingað til ekki boðað gott að kveikja eldana í Eyjum, þar sem hjartað slær segir Gunnar Birgirsson að lokum.
Stjarnan hefur ekki unnið bikarinn í þrettán ár og komst síðast í bikarúrslitin fyrir sjö árum síðan. ÍBV vann bikarinn síðast fyrir tveimur árum.
