Fimmtudagur 18. ágúst 2022

- Bæjarfjölmiðillinn í Vestmanneyjum -

Tryggja aðgang iðnnema að vinnustaðanámi

23.11.2020

Mennta- og menningarmálaráðherra kynnti ríkisstjórn á föstudaginn drög nýrrar reglugerðar um vinnustaðarnám og starfsþjálfun iðnnema í framhaldsskólum. Drögin verða kynnt í samráðsgátt stjórnvalda.

„Markmið nýrrar reglugerðar er annars vegar að færa ábyrgðina á því að iðnnámsnemandi komist í vinnustaðanám frá nemendunum sjálfum til skólanna, og hins vegar að auðvelda núverandi nemendum í iðnnámi að ljúka starfsþjálfun þrátt fyrir sveiflur í atvinnulífinu,“ segir Lilja Alfreðsdóttir mennta- og menningarmálaráðherra.

Jafnframt gerir reglugerðin ráð fyrir að tímalengd vinnustaðanáms geti tekið mið af hæfni nemenda en ekki fyrirfram skilgreindum viknafjölda eins og verið hefur. Þá er í vinnslu rafræn ferilbók fyrir nemendur þar sem fram fer skráning á námi og námsferli nemandans bæði í skóla og á vinnustað. Markmið hennar er að efla gæði starfsþjálfunar með því að auka samskipti milli nemanda, skóla og vinnustaðar, hafa yfirsýn yfir hvernig hæfni nemandans vindur fram og auðvelda þannig nemandanum og skólanum að halda utan um námið. Í ferilbókinni er tiltekin hæfni nemanda staðfest af umsjónarmönnum skóla auk iðnmeistara, fyrirtækis og stofnana eftir því sem við á.

Takist skóla ekki að finna vinnustaðarnám fyrir nemendur er lagt til með reglugerðardrögunum að farin verði svokölluð skólaleið. Í skólaleiðinni felst að skólinn í samstarfi við atvinnulífið tryggir að nemendi fái vinnustaðanám þar sem námssamningur er gerður milli nemanda, skóla og fyrirtækis eða stofnunar um að veita nemanda tilskilda þjálfun og menntun.Vinnustaðarnámið gæti þá farið fram í skólanum sjálfum eða á vinnustöðum, einum eða fleiri.

Greint er frá þessu á vef Mennta- og menningarmálaráðuneytisins

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is