Trump-hjón­in með COVID-19

02.10.2020

For­seti Banda­ríkj­anna, Don­ald Trump, hef­ur greinst smitaður af kór­ónu­veirunni og einnig eig­in­kona hans, Mel­ania Trump. Þau eru bæði kom­in í ein­angr­un. For­set­inn er 74 ára gam­all og er því í áhættu­hóp. Hann greindi frá smit­inu á Twitter og seg­ir þar: „við mun­um kom­ast í gegn­um þetta sam­an.“

Trump-hjón­in greind­ust í kjöl­far að einn af nán­ustu ráðgjöf­um hans greind­ist með COVID-19.

Hope Hicks, sem er 31 árs göm­ul, er sú nán­asta úr ráðgjaf­ar­hópi Trump til að smit­ast af COVID-19 en hún var sam­ferða Trump í flug­vél for­set­ans á sjón­varp­s­kapp­ræðurn­ar í Cleve­land, Ohio, fyrr í vik­unni.

Lækn­ir for­seta­hjón­anna seg­ir að þau séu bæði við góða heilsu og að Don­ald Trump muni halda áfram að sinna skyld­um sín­um frá Hvíta hús­inu þar sem hann er nú í ein­angr­un.

For­seta­embættið hef­ur af­lýst fyr­ir­huguðu kosn­inga­ferðalagi Trumps til Flórída sem átti að hefjast í dag. Aðeins 32 dag­ar eru til kjör­dags.

Mbl.is greindi frá þessu í morgun, hér er hægt að lesa alla fréttina