Laugardagur 24. september 2022

Tónaflóði um landið á föstudagskvöldum í júlí – byrja í Vestmannaeyjum 2.júlí

RÚV og Rás 2 ferðast um landið og halda tónleika á föstudagskvöldum í júlí og byrja þau ferðina í Vestmannaeyjum í Höllinni

Tónleikarnir verða í beinni útsendingu í sjónvarpinu og á Rás 2. Í ár verða tónleikarnir bornir uppi af mismunandi gestasöngvurum á hverjum stað sem munu syngja íslenska slagara við undirleik húsbandsins Albatross undir stjórn Halldórs Gunnars Pálssonar.

Fyrsti þátturinn fer í loftið á föstudaginn næsta, 2. júlí, kl. 19.40 með tónleikum í Höllinni í Vestmannaeyjum, en þessa helgi fer goslokahátíð Eyjamanna einnig fram. Tónleikarröðin byrjar með látum en í Eyjum munu þau Jón Jónsson, Bryndís Jakobsdóttir, Sverrir Bergmann, Jóhanna Guðrún og Friðrik Dór stíga á svið. Kynnir verður útvarps- og sjónvarpsmaðurinn knái Atli Már Steinarsson en hann mun taka heimamenn tali.

Að auki heimsækir Helga Margrét Höskuldsdóttir sjónvarpskona úr Sumarlandanum káta Eyjamenn og konur. Það má gera ráð fyrir gríðarlegri stemmningu þetta kvöld, enda Eyjamenn þekktir fyrir afar létta lund.

Þetta er annað sumarið í röð sem RÚV leggur land undir fót en í fyrra voru Reykjanesbær, Bolungarvík, Siglufjörður, Neskaupsstaður og Aratunga heimsótt. Í ár verða tónleikarnir með örlítið breyttu sniði en í stað þess að flytja lög úr héraði eins og í fyrra munu söngvararnir flytja eigin lög í bland við þekktustu slagarana úr íslensku söngbókinni. Og auðvitað eru allir landsmenn til að syngja með. Nálgast má söngbækur með texta laganna á ruv.is/tonaflod.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is