Mikill áhugi og aukning er á snóker og pílu
Klúbbarnir á eyjunni eru duglegir að halda mót og hafa gaman Tígull tók stöðuna hjá Kiwanismönnum.
Í byrjun Febrúar var haldið Húsasmiðjumótið í snóker og fór það fram með stakri prýði eins og alltaf. Þetta var merkilegt mót vegna þess að í fyrsta skiptið, hér í Eyjum allavegana tók stúlka þátt í snóker móti og stóð hún sig mjög vel.
Tvistmótið í snóker mun hefjast þann 26. Febrúar og mun standa yfir til 20.Mars.
Mótið er opið sem felur í sér að hver sem er getur tekið þátt og spilað verður í riðlum. Leikirnir munu fara fram í kjallara Kiwanis sem er með frábæra snóker aðstöðu.
Þann 19. Mars kemur til okkar fyrrum atvinnumaður í snóker sem heitir Alan Trigg.
Alan er fyrrverandi atvinnumaður í snóker og pool. Hann hefur mikla reynslu og hefur verið þjálfari í 46 ár og er með WPBSA próf, hann er einnig með BS próf í íþróttasálfræði. Alan hefur þjálfað og spilað við marga af stæðstu snókerspilurum í heimi.
Hann ætlar að vera með kennslu í kjallaranum ásamt því að vera með smá sýningu laugardaginn 20.Mars. Þar ætlar að hann að vera með trickshot show og spila nokkra ramma við sigurvegara Tvistmótsins.
Planið er að rukka inn litlar 1000 kr. til að standa undir kostnaði fyrir kappann.
Svo er fyrirhugað pílumót í kjallaranum um páskana eða þann 3. Apríl en það verður svo auglýst síðar.
