- Bæjarfjölmiðillinn í Vestmanneyjum -

UPPFÆRT kl 11:00 – Töluvert tjón í eldsvoða við sorpeyðingarstöðina

Slökkviliðið var ræst rétt fyrir klukkan ellefu í gærkvöldi þegar tilkynnt var um eld í bíl á athafnasvæði sorpeyðingarstöðvarinnar.
Þegar að var komið reyndist mikill eldur vera laus í þremur bílhræjum sem biðu förgunar auk sorphirðubíls Kubbs ehf.
Greiðlega gekk að ráða niðurlögum eldsins og eftir að mesti eldurinn var slökktur voru bílhræin fjarlægð eitt af öðru með aðstoð starfsmanna og tækja frá Kubb, farið yfir vettvanginn með hitamyndavél og þannig gengið úr skugga um að hvergi leyndust glæður eða hiti.
Ljóst er að um töluvert tjón er að ræða þar sem sorphirðubíllinn er líklega ónýtur og er lögregla nú með málið til rannsóknar, kemur fram á facebooksíðu slökkviliðsins.
UPPFÆRT: 
Um kl. hálf ellefu í gærkvöldi var lögreglu tilkynnt um mikinn reyk sem lagði frá neðra svæði Kubbs á Nýja hrauni. Við nánari skoðun kom í ljós hvar eldur logaði í öskubíl Kubbs og tveimur öðrum bifreiðum.
Talið er að kviknað hafi í bifreið sem ekið var á öskubílinn en ekki er vitað nánar um tildrög atviksins.
Í þágu rannsóknar málsins óskar lögreglan eftir upplýsingum um mannaferðir á svæði Kubbs í gærkvöldi og eru þeir sem telja sig búa yfir upplýsingum sem varpað geti ljósi á málið hvattir til að hafa samband við lögreglu í síma 444 2090 eða í gegnum facebooksíðu lögreglunnar í Vestmannaeyjum.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is