07.08.2020
Í ljósi nýjustu frétta um smit af Covid-19 sem tengjast Vestmannaeyjum og tilkynningar frá aðgerðarstjórn Vestmannaeyja nú í morgun þurfum við að bregðast við og herða enn meira á heimsóknarreglum Hraunbúða
Við bætum inn grímuskyldu, takmörkum heimsóknir við einn aðstandenda á dag, ítrekum 2 metra regluna og verðum áfram með þær reglur sem voru í gildi en viljum ítreka að gestir taki þær alvarlega.
Við erum í þessu saman og viljum minnka líkurnar á því að smit berist inn á heimilið, við vonum að ekki þurfi að koma til heimsóknarbanns á heimilið en þurfum því miður að herða reglurnar.
Við biðjum gesti um að kynna sér eftirfarandi reglur vel
- Einungis 1 aðstandandi má koma í heimsókn til íbúa á dag. Æskilegt er að sami aðstandandi komi í heimsókn og er hann beðinn að viðhafa eins mikla sóttkví og hægt er. Undanþága er aðeins veitt ef um mikil veikindi er að ræða en þá þarf að fá leyfi frá hjúkrunarforstjóra eða deildarstjóra hjúkrunar. Fjölskyldur þurfa sjálfar að koma sér saman um hver það er sem kemur
- Gestir þurfa að skrá nafn sitt í gestabók við inngang
- Þvo þarf hendur þegar komið er í hús og spritta og sinna persónulegu hreinlæti
- Heimsóknargestur þarf að nota grímu/maska og koma með hana sjálfur.
- Heimsóknir skulu fara fram á einkarými íbúa eða utanhúss, halda skal fjarlægð við aðra íbúa en sinn eigin aðstandanda og passa upp á að snertifletir sé sem fæstir. Þetta þýðir m.a að gestir skulu alls ekki stoppa við í setustofu eða matsal Hraunbúða heldur fara beint inn á herbergi íbúa.
- 2 metra regla um nándartakmörk er í gildi og forðast skal nána snertingu við íbúa
- Heimsóknir eru heimilaðar á tímabilinu 13-17:30
Áfram gilda einnig eftirfarandi reglur:
Að gestir
Komi EKKI í heimsókn til íbúa í 14 daga frá komu til landsins
Komi EKKI í heimsókn ef minnstu einkenni um kvef, flensulík einkenni, magakveisu, höfuðverk, beinverki eða slappleika eru til staðar
Komi EKKI í heimsókn ef viðkomandi er í sóttkví eða einangrun eða ef beðið er niðurstöðu úr sýnatöku
