Tilkynningar frá: Veðurstofu Íslands, Landhelgisgæslunni og Herjólfi ohf

05/11/2020
8:51 f.h.

05.11.2020

Verðurstofan spáir gulri viðvörun frá klukkan 14:00 til klukkan 21:00 í dag.

Einnig vara Landhelgisgæslan við stormi umhverfis allt landið:

Landhelgisgæsla Íslands vekur athygli á að stormspár eru í gildi á 16 af 17 spásvæðum Veðurstofunnar á hafinu umhverfis landið en gert er ráð fyrir mjög hvassri suðvestanátt í dag og fram á föstudag.

Á sama tíma gera ölduspár ráð fyrir mikilli ölduhæð sunnan- og vestanlands.

Stórstreymt var síðastliðinn mánudag og er sjávarstaða enn nokkuð há, en gera má ráð fyrir að þessi mikla ölduhæð geti hækkað sjávarstöðu enn frekar vegna áhlaðanda.

Landhelgisgæslan hvetur því til aðgæslu við ströndina, bæði í höfnum en ekki síður þar sem sjór getur gengið á land.

Suðvestan 18-23 m/s, varasamt fyrir ökutæki sem taka á sig mikinn vind.

Gul viðvörun

Veðurstofan varar við suðvestan stormi og því útlit ekki gott hvað varðar siglingar út daginn í dag.

Herjólfur siglir til Þorlákshafnar 5. nóvember

Ófært er til Landeyjahafnar vegna veðurs og því falla eftirfarandi ferðir niður.

Brottför frá Vestmannaeyjum kl 09:30 og 12:00

Brottför frá Landeyjahöfn kl 10:45 og 13:15

Hvað varðar siglingar seinna í dag verður gefin út tilkynning eftir kl 14:30.

Við viljum vekja athygli á að veðurhorfur sýna bæði mikið hvassviðri og rísandi öldu næstu daga.

Biðjum því farþega um að fylgjast með á miðlum Herjólfs um stöðu siglinga fyrir næstu daga segir í tilkynningu frá Herjólfi ohf.

Tilkynningar frá: Veðurstofu Íslands, Landhelgisgæslunni og Herjólfi ohf

Tígull.is

Hafa Samband

Auglýsingar

Samfélagsmiðlar

Auglýsingar í blaðið

Auglýsingar á vefinn