13.03.2020 kl 17:42
Í dag var tilkynnt um lokanir skóla og að skólahald yrði með óhefðbundnum hætti til 15. apríl. Þetta eru þrjár kennsluvikur og ein í páskafríi.
Það þýðir að námið fer fram í gegnum rafrænt kennsluumhverfi skólans, INNU og nemendur sinna náminu þaðan. Kennarar gefa nánari upplýsingar á INNU en nemendur þurfa að sýna þolinmæði þar sem þetta er að gerast á miklum hraða.
Námið færist úr tímasókn í rafrænt umhverfi þar sem reynir meira á nemendur og þeir verða að sýna öguð vinnubrögð og stunda námið vel.
Við hvetjum nemendur til að:
• Vera virk í INNU • Vera dugleg að fylgja námsáætlunum • Vera dugleg að tala við samnemendur og miðla til hvors annars • Hvetja hvort annað til dáða • Vera óhrædd við að spyrja kennarann spurninga þó kennsluformið sé öðruvísi • Ef þeir sjá aðrar lausnir sem virka vel þá miðla því til hópsins
Við sýnum umburðarlyndi og sveigjanleika á tímum sem þessum.
Við verðum að vona að okkur gangi allt í haginn í þessum erfiðu aðstæðum sem við glímum við og mætum svo hress í skólann þegar að því kemur.
Gangi ykkur sem best.
