06.04.2020
Um helgina hafa 12 smitaðir bæst við og greindust allir nema einn í skimun Íslenskrar erfðagreiningar. Nú er búið að rannsaka 1200 af þeim 1500 sýnum sem voru tekin í skimun ÍE.
Af þeim sem greindust nú voru 4 í sóttkví og nokkrir einkennalausir. Heildarfjöldi smita í Vestmannaeyjum er orðinn 95. Þá er ánægjulegt að segja frá því að 14 hafa náð bata. Í sóttkví eru nú skráðir 157.
Enn er brýnt fyrir Eyjamönnum að fara að öllum reglum enda er eina vörnin gegn smiti að takmarka samskipti og umgangast eins fáa og mögulegt er.
Þá er þeim sem vantar aðstoð eða upplýsingar bent á að hringja í hjálparsíma Rauða krossins 1717.
Aðgerðastjórn
