Þyrla Landhelgisgæslunnar hélt kl 14:00 í sitt fjórða flug á Vestfirði og varðskipið Þór er komið að bryggju á Flateyri - Myndir | Tígull.is - Fréttir og viðburðir í Vestmannaeyjum
82540241_3077256155629197_537920464568188928_o

Þyrla Landhelgisgæslunnar hélt kl 14:00 í sitt fjórða flug á Vestfirði og varðskipið Þór er komið að bryggju á Flateyri – Myndir

16.01.2020

Verkefni bíða þyrlunnar á Flateyri og Ísafirði meðal annars stendur til að flytja mannskap og búnað milli Ísafjarðar og Flateyrar. Með í för eru einnig formenn stjórnarflokkanna sem ætla að kynna sér aðstæður auk forsvarsmanna helstu viðbragðsaðila.

Þá er framkvæmdastjóri Náttúruhamfaratrygginga með í för auk fulltrúa Rauða krossins sem kemur til með að aðstoða við skipulagningu á áframhaldandi stuðningi við íbúa.

TF-GRO, þyrla Landhelgisgæslunnar, fór síðdegis í gær í sjúkraflug til Flateyrar og á Ísafjörð auk þess sem hún flutti björgunarsveitarfólk, sérfræðinga, búnað og vistir síðar um kvöldið.

Í morgun fór áhöfnin á TF-GRO vestur með fulltrúa Umhverfisstofnunar og Veðurstofunnar vestur.

Til að gera þyrlunni betur kleift að lenda við bensínstöðina á Flateyri voru tveir ljósastaurar felldir í gær til að búa til ákjósanlegan lendingarstað fyrir þyrluna.

Þyrlan verður til taks fyrir vestan næstu klukkutímana en TF-GRO lenti á Flateyri klukkan 15:00.

Einnig er varðskipið Þór er komið að bryggju á Flateyri en áhöfnin hefur sinnt margvíslegum verkefnum undanfarinn sólarhring. Í gær voru björgunarsveitarmenn, áfallateymi og aðrir viðbragðsaðilar fluttir frá varðskipinu í land með léttbátum.

Í morgun aðstoðaði áhöfnin starfsmenn Vegagerðarinnar að lýsa upp hlíðina með ljóskösturum til að kanna snjóalög. Þá hefur áhöfnin flutt mannskap, búnað og vistir á milli staða í dag auk þess sem hún hefur aðstoðað við að ná olíutanki upp sem lá utan í varnargarðinum. Hann var hífður upp á bryggju.

Til að varðskipið kæmist að bryggju þurfti að senda léttbát með dýptarmæli sem skannaði höfnina til að athuga hvort einhver fyrirstaða væri í höfninni. Varðskipið verður áfram til taks við Flateyri.

Von er á sérfræðingi frá Umhverfisstofnun ásamt hafnarstjóra Ísafjarðarbæjar um borð í skipið vegna undirbúnings við hreinsun hafnarinnar á morgun.

Greint er frá þessu á vef Landhelgisgæslunnar og myndir eru einnig þaðan.

Share on facebook
Share on twitter
Share on linkedin
Share on google
Share on print
Árshátíð VSV aflýst, út að borða í staðinn
Lista- og menningarverkefnið 1000 Andlit Heimaeyjar í Landandum í kvöld
Mikið um lausagang sauðfés í Vestmannaeyjum
Myndaveisla í makríl og síldinni heilsað
Hin árlega sýning
Njáll og Trausti í live viðtali vegna fjölgun bæjarfulltrúa – rök með og á móti – myndbönd

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X