Á síðasta fund fræðsluráðs voru samþykktar reglur um þróunarsjóð leik- og grunnskóla Vestmannaeyjabæjar.
Markmið með slíkum þróunarsjóði er að stuðla að framþróun og eflingu innra starfs skóla í Vestmannaeyjum. Þeir sem geta sótt um styrk til sjóðsins eru kennarar, kennarahópar, fagaðilar við skóla og fræðslusviðið í samstarfi við skóla.
Með þessu er verið að búa til hvata inn í skólaumhverfi okkar sem án efa mun efla skólastarfið enn meira og skapa um leið fjölbreytileika sem nýtast muni skólastarfinu og börnum okkar.
Hjá þeim sveitarfélögum sem hafa tekið upp úthlutanir úr þróunarsjóði leik- og grunnskóla hafa komið upp mörg skemmtileg verkefni og verður mikil tilhlökkun að taka á móti umsóknum í sjóðinn frá þeim frjóa hópi starfsmanna sem starfar innan leik- og grunnskólaumhverfisins í Vestmannaeyjum.
Stefnt er að því að veita fyrstu styrkina úr þróunarsjóði leik- og grunnskóla vorið 2020.
Forsíðumynd á hann Halldór B. Halldórsson.
Greint er frá þessu á vef Vestmannaeyjabæjar
