04.11.2020
Í bæjarráði á mánudaginn var lögð fram til kynningar skilagrein Hólmfríðar Sveinsdóttur, og Sveins Margeirssonar, ráðgjafa Vestmannaeyjabæjar og Þekkingarseturs Vestmannaeyja, um nánari útfærslu á nýsköpunar- og frumkvöðlastarfsemi í Vestmannaeyjum.
Þar er rammað inn fyrirkomulag á nýtingu 3. hæðar Fiskiðjuhússins Ægisgötu 2 sem verði hornsteinn í nýsköpunar- og frumkvöðlaumhverfi Vestmannaeyja til framtíðar.
Hugmyndirnar lýsa metnaðí og ljóst samkvæmt skilagreininni að mikil undirbúningsvinna er að baki. Unnið hefur verið í samráði við menntamálaráðherra, háskólasamfélagið og fimm fyrirtæki í Eyjum hafa skrifað undir viljayfirlýsingu um að koma að vinnu við LANDLYST ásamt háskólum, rannsóknastofnunum, samtökum og fyrirtækjum víðs vegar á Íslandi og erlendis.
Fyrirtækin eru Leo Seafood, Slippurinn, Grímur kokkur, Ísfélag Vestmannaeyja og HS Veitur.
Bæjarráð þakkaði kynninguna.
Næstu skref eru að hefja framkvæmdir og ráða fólk.
Sjá skilagreinina hér: Nýsköpun og frumkvöðlastarf í Vestmannaeyjum
