Miðvikudagur 17. júlí 2024

Þrettándu Eyjatónleikarnir fara fram í Hörpu í kvöld

Eyja­tón­leik­arn­ir verða haldn­ir í 13. sinn í Eld­borg­ar­sal Hörpu í kvöld 27. janú­ar. Í þetta sinn vera þeir yfirskriftina „Ljúft að vera til.“ Bjarni Ólafur Guðmundsson, Daddi, segir aldrei fleiri lista­menn stigið á svið áður og lofar góðri skemmt­un. „Þá verður hrein og klár rokk­hljóm­sveit, Molda, með í fyrsta skipti,“ sagði Daddi og vísar þar til Eyjahljómsveitarinnar Molda sem fram kemur á tónleikunum. „Okk­ur fannst gráupp­lagt að fá sér­staka gesti á Eld­borg­ar­sviðið, en hljóm­sveit­in Molda hef­ur ný­verið end­ur­gert lag eft­ir Árna heit­inn Johnsen, sem hann samdi í Eyjagos­inu 1973 og hver veit nema þeir galdri eitt­hvað meira fram.“
Auk Moldu munu að þessu sinni troða upp Jón Jóns­son, Salka Sól, Friðrik Dór, Ragga Gísla, Emm­sjé Gauti, Vé­dís Hervör, Bjart­mar Guðlaugs, Þór­ar­inn Óla, Al­bert Tór­zham­ar, ásamt Kvenna- og Karla­kór­um Vest­manna­eyja.

Daddi segist vera mjög spennt­ur fyr­ir þess­um hópi og lof­ar meðal annars óvænt­um dú­ett­um. „Ragga Gísla, tengda­dótt­ir Vest­manna­eyja, er að koma í fyrsta sinn og mun taka Þjóðhátíðarlagið sitt. Þá var hún með Grýl­un­um á Þjóðhátíð 1982 og hlýt­ur að vísa með ein­hverj­um hætti í það gigg. Emm­sjé Gauti er líka að koma í fyrsta sinn en hann átti Þjóðhátíðarlagið í fyrra, Þúsund hjörtu. Jón og Friðrik Dór munu ábyggi­lega taka Á sama tíma, á sama stað og svo á Ljúft að vera til tíu ára af­mæli á þessu ári og svo eru auðvitað 150 ár frá fyrstu Þjóðhátíðinni í sum­ar og við hljót­um að gefa því svo­lít­inn gaum. Svo erum við alltaf með lista­menn úr Eyj­um í bland sem standa sig alltaf með prýði enda hafa þeir til­finn­ing­una fyr­ir tón­list­inni.“
Aðspurður hvort það verði aftur tónleikar að ári sagði Daddi ekkert ákveðið í þeim efnum. „Við höf­um ekki tímt að hætta þessu en því er samt ekki að neita að því fylg­ir áhætta fyr­ir miðaldra hjón í Vesta­manna­eyj­um að standa í þessu og allt velt­ur þetta á því að fólk láti sjá sig. Það hef­ur nán­ast verið upp­selt frá upp­hafi og fyr­ir það erum við óend­an­lega þakk­lát. Miðasala hef­ur hins veg­ar farið held­ur ró­lega af stað núna, hvort sem það er ár­ferðið eða eitt­hvað annað. Von­andi tek­ur hún kipp fram að tón­leik­um. Þrenn­ir tón­leik­ar hafa verið tekn­ir upp, tveir af RÚV og ein­ir af Sjón­varpi Sím­ans, þannig að þetta er mjög góð kynn­ing fyr­ir tón­list­ar- og menn­ing­ar­lífið í Eyj­um. Okk­ur hjón­um finnst mjög mik­il­vægt að halda þess­um dýr­mæta menn­ing­ar­arfi á lofti og því von­um við það allra besta, en sjá­um hvað set­ur.“

Ef þú átt eftir að prófa að mæta á Eyjatónleika í Hörpu er um að gera og skella sér því hver veit nema það verði og seint næst. Miðasala fer fram á tix.is.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search