Mánudagur 26. september 2022

Þórður Rafn – Sjóminjasafnið opnað almenningi – myndir og myndband

Þórður Rafn Sigurðsson, skipstjóri og útgerðarmaður oftast kenndur við Dala Rafn VE 508 stendur í stórræðum þessa dagana

Á morgun föstudag opnar Rabbi Sjóminjasafn að Flötum 23 sem hann hefur unnið að undanfarin ár og áratugi. Er það örugglega með myndalegri ef ekki myndarlegasta safn í einkaeigu á öllu landinu.

Rabbi fékk ómetanlega aðstoð frá Helgu Hallbergsdóttur sem skráði alla munina vel og vandlega niður en hún hefur unnið að þessu verkefni síðustu mánuði. Rabbi þakkaði Helgu innilega í dag þegar Rabbi hélt opnunarhátið.

Á safninu má finna fjölda bátalíkana og á sjöunda hundrað safngripa en húsið allt er safn, líka skrifstofan hans Rabba. Allt mjög aðgengilegt og saga flestra hluta fylgir með og það á við alla bátana. Stóran hluta af þessum tíma hefur Rabbi verið á sjó. Rabbi segir fólk almennt verða hissa á umfangi safnsins. „Það er hlutverk safna að segja söguna og geyma og ég er að reyna það með þessu. Það hafa komið hingað fullorðnir menn og sagt eftir að hafa horft yfir líkönin, að það sé eins og að koma niður á bryggju í gamla daga,“ segir Rabbi sem vonast til að sjá sem flesta um helgina.

Safnið verður opið föstudag, laugardag og sunnudag frá klukkan frá klukkan 13.00 til 16.00.

Rabbi bað afa-strákana sína þá Þórð og Benedikt Eyþórssyni að syngja eins og eitt lag á opnunni, þeir tóku vel í það og báðu um að fá að taka tvö lög. Hér er flutningur á öðru þeirra:

Þórður og Benedikt voru frábærir, virkilega hæfilieikaríkir ungir peyjar.
Benedikt gerði svo en um betur og söng þriðja lagið sem hann sjálfur samdi textan við.
Þórður Rafn Sigurðsson ( Rabbi )
Inga og Rabbi þakka Helgu innilega fyrir sína vinnu við að skrásetja safnið.
Íris Róbertsdóttir bæjarstjóri afhenti Rabba blóm fyrir hönd bæjarins og óskaði þeim innilega til hamingju með safnið.
Þessir eru alltaf flottir, Þórarinn og Halldór
Eyþór og Rikki

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is