Þóra Hrönn sendi okkur nokkrar línur og myndir af þessu ævintýri þeirra, við gefum henni orðið:
Frá Gambiu er allt gott að frétta. Ég er búin að hitta stúlkurnar sem fengu fyrstu pokana í febrúar. Það hjálpaði mér mikið að hitta þær aftur og fá athugasemdir frá þeim.
Við vorum svo viðstödd mæðraskoðun og ungbarnaeftirlit. Hér er það bara ekkert óeðlilegt að vera 40 ára og búin að eiga 6-8 börn.
Hér mætir maður bara líka í vinnu með krakkann á bakinu.
Ég er svo búin að hitta helmingin af stúlkunum sem fá nýja poka í þessari ferð.
Þær fengu allar líka tannkrem og tannbursta. Kynningin tekur 2 klst svo ég gef þeim popp og vatn á meðan. Við erum líka búin að fara í nursery school og gefa öllum krökkunum þar kjóla, stuttbuxur og buff. Mamma og vinkonur hennar sauma kjólana og stuttbuxurnar en buffin fékk hjá Þórunni í Rauða Krossinum.
Hérna eru svo fleiri myndir frá ferðinni.
