Þessi þáttaröð verður átakanleg að horfa á – saga Covid -19 – stikla úr þáttunum

Í heimildaþáttaröðinni Stormur er saga Covid-19 á Íslandi sögð út frá ýmsum hliðum með áherslu á mannlega þátt farsóttarinnar. Þáttaröðin er í sex hlutum og verður tekinn til sýningar í kringum komandi áramót á RÚV.

Fyrsta stiklan úr heimildaþáttaröðinni Stormur sem fjallar um baráttuna við Covid á Íslandi hefur verið opinberuð. „Við byrjuðum í tökum á þáttunum í mars 2020 og höfum fylgt eftir fjölmörgum einstaklingum í gegnum þetta viðburðarríka og erfiða ár. Það sem stendur uppúr hjá mér er að hafa fengið tækifæri til að vera baksviðs og mynda atburðarrásina og fólkið sem hefur staðið í þessari ​baráttu frá byrjun.

Þetta hefur verið magnað ferðalag og í stiklunni sem við frumsýnum í gær sjáum við örlítið brot af efninu,“ segir Jóhannes Kr. Kristjánsson sem vinnur að þáttunum ásamt Sævari Guðmundssyni leikstjóra.

„Framundan er mikil klippivinna því við erum að vinna með tæplega 300 tökudaga og sögurnar sem við náum utan um eru mjög sterkar. Þær eru af öllum stærðum og gerðum,“ segir leikstjórinn. „Dramatískar erfiðar sjúkrasögur, hasarinn í kringum þríeykið, fyndin eða skemmtileg uppátæki og gullfallegir persónulegir sigrar eru bara brot af þeim sögum sem við sýnum í þessum þáttum. Það sem gerir þetta sérsteklega áhugavert er að þetta er hlið faraldurisins sem fólk hefur aldrei fengið að sjá áður.“

Í þáttunum er meðal annars brugðið upp mynd af því sem gerðist baksviðs hjá þríeykinu, baráttu sjúklinga við að komast í gegnum veikindin með aðstoð ástvina og hjúkrunarfólks, álaginu á gjörgæslu- og Covid göngudeildum Landspítalans, smitrakningu á heimsvísu, rannsóknum Íslenskrar erfðagreiningar og hvernig fólk leysir stór og krefjandi verkefni í veiruóveðri sem gengur yfir allann heiminn og setti hann á hvolf.

„Þessi þáttaröð verður á allan hátt einstök enda mun hún hafa að geyma stórkostlega mikilvægar sögur, upplýsingar og heimildir um fordæmalausa tíma sem afar þýðingarmikið og hollt verður fyrir þjóðina að geta rifjað upp og rýnt í nauðsynlegu samhengi og úr hæfilegri fjarlægð þegar kemur að því hún verður sýnd á RÚV uppúr komandi áramótum,“ segir Skarphéðinn Guðmundsson dagskrárstjóri sjónvarps hjá RÚV.

Frétt frá ruv.is 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search