Þriðjudagur 11. júní 2024

Það styttist í ljósið

Á fundi bæjarstjórnar á fimmtudaginn fór bæjarstjóri yfir stöðu kórónuveirufaraldursins í Vestmannaeyjum. „Vestmannaeyingar sluppu nokkuð vel við upphaf þessarar nýju bylgju faraldursins. Staðan hefur hins vegar þyngst verulega undanfarið líkt og annars staðar á landinu, m.a. í leikskólum og grunnskólum, og margir lent í einangrun og sóttkví,“ segir í fundargerð bæjarstjórnar. „Á þriðjudaginn voru yfir 140 einstaklingar í einangrun. Þá var um 50% þeirra sem voru í einangrun undir 16 ára aldri, ef frá eru talin landamærasmit, sem er svipað hlutfall og annars staðar á landinu.

Hingað til hafa stjórnendur í leik- og grunnskólum borið hitann og þungann af smitrakningunni í skólunum og gert það mjög vel. Foreldrar hafa sýnt ferlinu mikinn skilning. Sóttvarnalæknir gerir ráð fyrir að með breyttum reglum stjórnvalda um sóttkví, sem tóku gildi miðvikudaginn 26. janúar sl., muni smitum fjölga hratt. Þurfa stofnanir og helstu aðilar að gera ráð fyrir því í starfsemi og áætlunum sínum. Aðgerðastjórn hefur óskað eftir upplýsingum frá stjórnendum stofnana sem bera ábyrgð á helstu innviðum samfélagsins, til að kortleggja stöðuna og horfurnar ef smitum fjölgar.“

Þá lagði bæjarstjórn fram sameiginlega bókun. „Bæjarstjórn þakkar öllum þeim sem lagt hafa mikið á sig til að láta samfélagið ganga og hvetur Vestmannaeyinga til að klára þetta saman. Það styttist í ljósið við endann á göngum eftir tveggja ára takmarkanir.“

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search